2. Tabuki are Kumora ao Aonon Palmyra-Manchester

Te tamnei aei e kaitara meang ni kaota te Tabuki are Kumora i Manchester, New York. Te tabuki e oti n angaatain te tamnei ni mwkorona mai nano ao e kaan buta iteran te tamnei nakon tabona mai eta. Te kanuringa ae mainaina ae kona n nooraki n te tabuki nako tabona are mai meang bon karinean te anera are Moronaai ao rokon Ana Boki Moomon. Te Tabuki are Kumora e mena tao 5 te kiromita i maiaki-mainikun te Buakonikai ae Tabu. Ni uakaan ma eta n te tamnei bon Palmyra, are onoua ao te iterana te kiromita raroana. Aia tabo ni man tenaan Smith ao te Buakonikai ae Tabu a mena ni iteran te tamnei are mai eta n te angamaing.

Bwaai aika Riki aika Kakawaki: Ana utu te Burabeti ae Iotebwa Timiti a maeka n te aono aei n tain te Moan Kaotioti (IT—R 1:3). N 421 N.K. Moronaai e tauni tenaan bwaatua aika koora n te Tabuki are Kumora are kanoana bon te rongorongo ae tabu ibukiia ana botanaomata (ATM 1:1–11; Moom. 6:6; Moro. 10:1–2). Moronaai naba aio are e tuanga Iotebwa Timiti te tabo are e na kunea iai taian bwaatua i aon te tabuki. Moronaai e anganna n te 1827 (R&B 27:5; 128:20; IT—R 1:33–35, 51–54, 59).