14 Be Spirit blong Lod i bin aot long Sol, mo wan nogud spirit we i no kam long Lod i bin kam spolem hem.

15 Mo ol wokman blong Sol oli bin talem long hem: “!Yu luk! Wan nogud spirit we i no kam long God i kam spolem yu.”

16 King blong yumi i mas givim oda long ol wokman blong hem, we oli stap long fored blong hem, blong go lukaotem wan man, we i save plei gud long gita; mo bambae i hapen se, taem nogud spirit ia, we i no kam long God, i stap long yu, bae man ia i plei long gita, mo bae yu harem gud bakegen.

23 Mo i bin hapen se, taem nogud spirit, we i no kam long God, i bin stap long Sol, nao Deved i bin tekem gita, mo i bin plei long hem; mekem se Sol i bin kam gud, mo i harem gud, mo nogud spirit ia i bin aot long hem.