ARIT, 1 Tamuera 16:14–16, 23. Kabotaua 1 Tamuera 16:14–16, 23; titebo bitaki ake a karaoaki n 1 Tamuera 18:10 ao 19:9
Te tamnei ae buakaka are e tokara Tauro bon tiaki mai iroun te Uea.
14 Ma Tamnein te Uea e kitana Tauro, ao te tamnei ae buakaka are tiaki mai iroun te Uea e kakiriuea.
15 Ao ana taan mwakuri Tauro a taku nakoina, Nooria ngkai, te tamnei ae buakaka are bon tiaki mai iroun te Atua e kakiriueko.
16 Kariaia ara uea ngkai bwa e na kairiia am taan mwakuri, ake a mena imatam, ni ukoukora te aomata, are te tia katanga te abi ae mwatai; ao e na koro bukina, ngkana te tamnei ae buakaka, are tiaki mai iroun te Atua, are tokariko, bwa e na katangitang ni baina ao ko na marurung.
23 Ao e koro bukina, ngke te tamnei ae buakaka, are bon tiaki mai iroun te Atua, are tokara Tauro, bwa Tawita e anaa te abi, ao e katangitang ni baina, ao Tauro e manga kakorakoraaki, ao e marurung, ao te tamnei ae buakaka e nako mai irouna.