Ana Rairairi Iotebwa Timiti Abentekiti KabwarabwaranaA kaotaki ikai mwakoro aika rineaki man Ana Rairairi Iotebwa Timiti i aon te Baibara ae te King James Version (ARIT). Te Uea e kaira te Burabeti Iotebwa Timiti bwa e na kaoki koaua nakon kanoan te Baibara ake a tia ni bua ke ni bitaki ma ngke a moan koreaki oin taekaia. Koaua aika kaokaki aikai a kamatatai reirei ao katamaroan otaia ni koroboki aika tabu. ARIT, Karikani Bwai Kanoana ARIT, Karikani Bwai 1–8Te rongorongo aio man te Baibara e manga kaokaki iroun Iotebwa Timiti ao e boretiaki n te Bwaeao ae Bati Bona bwa Mwakoro aika Rineaki man ana Boki Mote. ARIT, Karikani Bwai 9I mwin te Ieka, Noa e bubutia te Uea bwa e na aki manga kamaraia te aonaba. ARIT, Karikani Bwai 14Merekitereka e kakabwaia Aberam. Ana mwakuri ae kakannato Merekitereka ao mwaaka ao kakabwaia n te Nakoanibonga ae te Merekitereka a kabwarabwaraki. ARIT, Karikani Bwai 15Aberaam e riakina taekan te Mangauti ao e noora n te mi ni burabeti ana mwakuri Iesu ngke E maiu n rabwata. ARIT, Karikani Bwai 17Aomata aki ongeaba nakon otenanti n te euangkerio, ni ikotaki ma te bwabetito. Te Atua e kabwarabwara nakon Aberaam te berita n te korotobibi ao te ririki are a kona ni bukinaki iai ataei. ARIT, Karikani Bwai 19Rota e kaitarai buakakan Totom, ao a kamanoa anera. ARIT, Karikani Bwai 21Aberaam e taromauria te Atua ae akea tokina. ARIT, Karikani Bwai 48Eberaim ao Manate a riki bwa ana baronga Iteraera. N aron Iotebwa are ngkoa ngke e kamaiuia ana utu n te tai ae aki maan, kanoana a na kamaiua Iteraera n te maiu n tamnei ni boong aika kaitira. ARIT, Karikani Bwai 50Iotebwa i Aikubita e taetae ni burabeti ibukin Mote bwa e na kainaomata Iteraera man te tautoronaki i Aikubita; ibukin teuana mwangan kanoan Iotebwa are a na kairaki nakon te aba ae raroa nako, ike a na uringaki n ana berita aika tabu te Uea; ibukin wetean te burabeti ni boong aika kaitira iroun te Atua ae arana Iotebwa bwa e na katiteuanai ana rongorongo Iuta ma Iotebwa; ao ibukin Aaron are e na beku bwa te tia taetae ibukin Mote. ARIT, Te Otinako Kanoana ARIT, Te Otinako 4Te Uea e bon aki bukinaki ibukin matoatoan nanon Bwarao. Tara naba ARIT, Te Otinako 7:3, 13; 9:12; 10:1, 20, 27; 11:10; 14:4, 8, 17; bwaai aika a na taraaki n tatabeua nako, ngkana a eti rairakiia, a kaotia bwa Bwarao e bon kamatoa oin nanona. ARIT, Te Otinako 18Ietero bon te ibonga ae rietata. ARIT, Te Otinako 22Taan tiritiri a na aki maiu. ARIT, Te Otinako 32Th Uea e na kamaiuia I-Iteraera ake a na rairi nanoia. ARIT, Te Otinako 33Akea te aomata ae te tia bure ae kona n noora matan te Atua ao e maiu. ARIT, Te Otinako 34Te Atua e a manga korea te tua i aon bwaatua aika atibu are a katauraoaki iroun Mote ma e anaa te Nakoanibonga ae te Merekitereka ao otenanti ake iai mai irouia tibun Iteraera. E angania te tua ibukin tuan te maiu n rabwata n onea mwina. ARIT, Tua-KauaI aon te moan ikota n atirababa te Atua e kaota te berita ae tabu ae akea tokina n te nakoanibonga ae tabu. ARIT, 1 TamueraTe tamnei ae buakaka are e tokara Tauro bon tiaki mai iroun te Uea. ARIT, 2 TamueraAna bure Tawita ae kakaiaki e aki kamaunaaki iroun te Atua. ARIT, 1 RongorongoTe Atua e katoka te anera man kamaunaan Ierutarem. ARIT, 2 RongorongoTe Uea e aki katuka te tamnei ae kewe i nanon wiia burabeti. ARIT, Taian Areru Kanoana ARIT, Taian Areru 11Ni kabanean boong a na birinako nakon ana maunga te Uea aika raoiroi. Ngkana e roko te Uea, E na kamaunaia aika buakaka ao ni kaboia aika raoiroi. ARIT, Taian Areru 14Te Tia Korea Taian Areru e noora buan koaua ni boong aika kaitiria ao e kakantaninga katean Tion. ARIT, Taian Areru 24Te Uea ae Mimitong e na kaboia Ana botanaoamta n Rokona. ARIT, Taian Areru 109Ti na tataro ibukiia ara kairiribai. ARIT, Itaia Kanoana ARIT, Itaia 29Rongorongo ake a kaman tataekinaki i Ierutarem irouia burabeti ake ngkoa a na manga tataekinaki ni boong aika kaitira man Ana Boki Moomon, are e na roko “mai aontano.” ARIT, Itaia 42Te Uea e kanakoia ana tia mwakuri nakoia naake a tia n rineia bwa a na aki noora ke n ongo te koaua, naake a kakauongo ao a ongeaba a na kakororaoaki. ARIT, IeremiaTe Uea e aki rairannano; aomata a rairannano. ARIT, AmotaTe Uea e aki rairannano; aomata a rairannano. ARIT, Mataio Kanoana ARIT, Mataio 3Burabeti a kaman taekinna bwa Beteram bon te tabo are e na bungiaki iai te Mesia. ARIT, Mataio 4Iesu e kairaki iroun te Tamnei, tiaki iroun Tatan. ARIT, Mataio 5Anne e kawakin tua ao e reireinia tabemwang bwa a na karaoa naba anne a na kamaiuaki. ARIT, Mataio 6Te Uea e aki kairira nakon te kaririaki. ARIT, Mataio 7Tai motikitaeka n ae aki raoiroi. ARIT, Mataio 9Iesu e aki butimwaea aia bwabetito Baritaio; akea manenana ibukina bwa a aki butimwaia. E tataekinna bwa bon Ngaia are e anga te tua nakon Mote. ARIT, Mataio 11Ioane te Tia Bwabetito bon te Eriati are e na roko ni katauraoa te kawai ibukin te Tia Kamaiu. ARIT, Mataio 12Ane e taetae ni kaitara te Tamnei ae Raoiroi e na aki kabwaraki ana bure. ARIT, Mataio 13I mwaain tokin te aonaba (kamaunakia ake a buakaka), taan uarongorongo aika kanakomaiakaki mai karawa a na botiia aika raoiroi mai buakoia ake a buakaka. ARIT, Mataio 16Iesu e kabwarabwara bwa tera nanon “tabeka am kaibangaki”: ko na kaakeai bwai ni kabane aika tiaki aro n atua ao kaibwabwarun te aonaba ni kabane ao ni kawakin Ana tua nako. ARIT, Mataio 17Iesu e reirei taekaia uoman Eriati—temanna bwa e na katauraoi ao are temanna bwa e na kaoki bwaai. ARIT, Mataio 18Ataei aika uarereke aki kainnanoa te rairannano. ARIT, Mataio 19Ataei aika uarereke a na kamaiuaki. ARIT, Mataio 21Te aomata e riai n raira nanona i mwaain ae kona ni kakoaua Kristo. ARIT, Mataio 23Teuare i karawa bon te tia karikiira. ARIT, Mataio 26Iesu e tabeuta te kariki n toa ao i mwina e katabua. Te toa bon kauringan rabwatan ao raraan Iesu. ARIT, Mataio 27Maten Iuta e kabwarabwaraaki. ARIT, Mareko Kanoana ARIT, Mareko 2Natin te Aomata bon Uean te Tabati ibukina bwa Ngaia ae karaoa te bong ae te Tabati. ARIT, Mareko 3Iesu e na kabwarai aia bure taan bure ake a raira nanoia ma tiaki naake a taetaebuaka nakon te Tamnei ae Raoiroi. ARIT, Mareko 7Iesu e kabuakakaia naake a aki butimwaiia burabeti ao aki kawakini ana tua Mote. ARIT, Mareko 8Ane e kukurei ni mate ibukin Iesu e na karekea te kamaiuaki. ARIT, Mareko 9Ioane te Tia Bwabetito e mena i aon te Maunga are Bitaki iai te Rabwata. ARIT, Mareko 12Te Atua tiaki Atuaia mate, kioina bwa E kautiia mate man ruanimateia. ARIT, Mareko 14Iesu e karaoa te toa bwa kauringan rabwatana ao raraana. ARIT, Mareko 16Uoman anera a kamauria aine n ruanimaten te Tia Kamaiu. ARIT, Ruka Kanoana ARIT, Ruka 1Takaria, taman Ioane te Tia Bwabetito, e karaoi mwakurin te nakoanibonga. ARIT, Ruka 2Taan rabakau i nanon te tembora a kakauongo nakon Iesu ao a titirakinna taian titiraki. ARIT, Ruka 3Kristo e na roko n aron are taetae ni burabetiaki ni uota te kamaiuaki nakon Iteraera ao nakoia Tientaire. Ni koron bukin te tai, E na manga roko ni motika taekan te aonaba. ARIT, Ruka 6Iesu e reirei bwa e raoiroi riki te teimatoa rinanon te bwainikirinaki nakon ae ko na kaitara te kairiribai. ARIT, Ruka 9Karekean kaubwain te aonaba e aki botau ngkana e na kabua tamneina te aomata. ARIT, Ruka 11Bwaninin koroboki aika tabu bon kingin te atatai. ARIT, Ruka 12Iesu e kabwarabwara bwa taetaebuakakin te Tamnei ae Raoiroi e na bon aki kabwaraaki. ARIT, Ruka 14Naake a ata Mote ao burabeti a onimakina Iesu. ARIT, Ruka 16Aia tua burabeti e kakoaua ibukin Iesu. Bwaritaio a ukoukora kamaunaan te abanuea. Iesu e kabwarabwara te taetae ni kaikonaki are te kaubwai ao Rataro. ARIT, Ruka 17Uean te Atua e a tia n roko. ARIT, Ruka 18Onimakinan kaubwai e tuka te aomata n rin n uean te Atua. ARIT, Ruka 21Iesu e taekini tabeua kanikina ibukin rokona. ARIT, Ruka 23Iesu e bubuti kabwaraan aia bure tautian Rom ake a tauria. ARIT, Ruka 24Aine a nooria uoman anera n ruanimaten Iesu. ARIT, Ioane Kanoana ARIT, Ioane 1Ana euangkerio Iesu Kristo e tia n tataekinaki man te moan tai. Ioane te Tia Bwabetito bon te Eriati are e katauraoa te kawai ibukin Kristo, ao Iesu Kristo bon te Eriati are manga kaoki bwai ni kabane ao e reke te kamaiuaki rinanona. ARIT, Ioane 4Bwaritaio a tangiria n tiring Iesu. E karaoi taebeua bwabetito, ma Ana reirei a karaoi aika bati riki. ARIT, Ioane 6Nanon te Tama bwa a bane ni butimwaea Iesu. Naake a karaoa nanon Iesu a na kautaki ni mangautia ake a karaoa ae eti. ARIT, Ioane 13Iesu e teboki waeia Abotoro ni kakoroa nanon aia tua I-Iutaia. ARIT, Ioane 14Natinuean te rotongitong, ke Tatan, bon ana bwai te aonaba. ARIT, Aia Mwakuri Abotoro Kanoana ARIT, Mwakuri 9Naake raon Bauro ngke e rairaki a noora te oota, ma a aki ongo te bwana ke n noora te Uea. ARIT, Mwakuri 22Mataniwia kaben e kabwara Bauro man kabaeana. ARIT, I-Rom Kanoana ARIT, I-Rom 3Bauro e reirei bwa te aomata e aki kona ni karaoa ae buakaka bwa e na karekea ae raoiroi. ARIT, I-Rom 4Te aomata e ti kona ni kamaiuaki n ana akoi Iesu Kristo, ao tiaki ni mwakuri aika irekereke ma kawakinan ana tua Mote. ARIT, I-Rom 7Bon ti Kristo ae iai mwakana ni kateimatoa bitakin tamneia aomata nakon te raoiroi. ARIT, I-Rom 8Naake a ira aron ana kawai te iriko aki kona ni kakukureia te Atua. ARIT, I-Rom 13Naake a karineia mataniwia te botanaomata a karika karinean te Atua irouia bwa e na korakora riki ao ni kororaoi riki. ARIT, 1 I-Korinto Kanoana ARIT, 1 I-Korinto 7Bauro e reirei bwa te mare e bon kainnanoaki. E ngae n anne, naake a weteaki bwa mitinare e na nakoraoi riki aia beku ibukin te Atua ngkana a tiku n akea buuia i nanon aia tai ni mitinare. ARIT, 1 I-Korinto 15Boni iai teniua rinanin te mimitong n te Mangauti. ARIT, 2 I-KorintoBauro e reireinia Aomata aika Itiaki bwa a na aki maiuakina te aroaro n rabwata. ARIT, I-KaratiaMote bon te tia raoi ibukin te moan berita ae tabu, ke te tua. Iesu Kristo bon te tia raoi n te berita ae tabu ae boou. ARIT, I-EbetoTe un ae aki riai bon te bure. ARIT, I-KoroteAia tua aomate e kona ni iai kakawakina n reirei bwaai n aron kaetan arom i bon iroum, ma a aki karinea te Atua ao aki kona ni kamaiua te aomata. ARIT, 1 I-TetaronikeAomata ake a raoiroi ake a maiu n rokon te Uea a na akea rineia i aoia maate aika raoiroi. ARIT, 2 I-TetaronikeTatan e na karika te bwaka ke kitanakin te koaua i mwaain okin te Uea. ARIT, 1 Timoteo Kanoana ARIT, 1 Timoteo 2Kristo bon te Rikitemanna ao te Tia Raoi. ARIT, 1 Timoteo 3Te Ekaretia e kateaki i aon te oin tua are Iesu e riki bwa te aomata ae mamate, e anga reirei n te euangkerio, ao e oki nakon Tamana. Taraia: Te bitaki ae kakawaki ni kibu aika i mwina a katuruturua bwa “bouan ma aan te koaua” bon Iesu Kristo. ARIT, 1 Timoteo 6Naake iai irouia ootan te aki mamate (te euangkerio) ni maeka inanoia a kona n noora Iesu. ARIT, Ebera Kanoana ARIT, Ebera 1Anera bon taan ibuobuoki aika tamnei. ARIT, Ebera 4Naake a kamatoatoai nanoia a na bon aki kamaiuaki; naake a raira nanoi a rin i nanon ana motirawa te Uea. ARIT, Ebera 6Tuan ana reirei Kristo a kairiko nakon te kororaoi. ARIT, Ebera 7Merekitereak bon te ibonga ni katotongan ana botaki Natin te Atua. Ni kabane naake a karekea te nakoanibonga aei a kona n riki n aiaron Natin te Atua. ARIT, Ebera 11Te onimaki bon te kakoaua ibukin bwaai ake a kaantaningaki. ARIT, Iakobo Kanoana ARIT, Iakobo 1Karawawata, tiaki kariri, a buokira ni kaitiakira. ARIT, Iakobo 2Kaaina a riai n aki iangoa temanna te aomata bwa e rietata riki nakon temanna. ARIT, 1 Betero Kanoana ARIT, 1 Betero 3Tabeman tamnei n te uma ni kaikain a aki raoiroi n ana bong Noa. ARIT, 1 Betero 4Te euangkerio e tataekinaki nakoia naake a tia ni mate. ARIT, 2 BeteroNi boong aika kaitira, a mwaiti aomata aika a na kaakea te Uea ae Iesu Kristo. N te tai are e na roko iai a na riki kaangaanga aika mwaiti aika bon ririki. Ngkana ti teimatoa i nanon te raoiroi, ti na karekea te aonaba ae boou. ARIT, 1 Ioane Kanoana ARIT, 1 Ioane 2Kristo bon ara tia tei ma te Tama ngkana ti raira nanora. ARIT, 1 Ioane 3Ane e bungiaki mai iroun te Atua e na aki reiti nako i nanon te bure. ARIT, 1 Ioane 4Ti aomata aika kakoaua te Atua ae a kona n nooria. ARIT, Te Kaotioti Kanoana ARIT, Te Kaotioti 1Ioane are te Abotoro e karekei taetae ni burabeti ake n te boki ae Te Kaotioti. E kawaraki iroun Iesu Kristo ao iroun te anera. ARIT, Te Kaotioti 2Naake a buakaka a na teweaki nako moone. ARIT, Te Kaotioti 5Tengaun ma uoman ana taan mwakuri te Atua a kanakoaki nakon te aonaba ni kabuta. ARIT, Te Kaotioti 12Ioane e kabwarabwarai kanikina ibukin te aine, te ataei, te kai biti, te rakon, ao Mikaera. Te buaka are e moanaki i karawa e bon reiti nako i aon te aonaba. Tarai bitakin karinanakin taian kibu n ARIT. ARIT, Te Kaotioti 19Te Atua e kamanenai ana taeka Kristo ni katuaaia botanaomata.