1 N te bong arei ko na roko, O te Uea; ao ngai N na katuka au onimaki iroum. Ko na kangai nakoia am botanaomata, bwa taningau e a tia n ongo bwanaami; ao ko na kangai nakoia aomata ni kabane, Birinako nakon au maunga; ao aika a raoiroi a na birinako n aron te mannikiba are e kaotinakoaki man ana kai n taware te tia tawarei man ni kiba.

2 Bwa a kabaoua aia kainikatebe ake a buakaka; nooria, a kataea nangin kanoan aia kainikatebe i aon korana, bwa aonga ni karaba ni katebeia ake a eti nanoia, ni kamauna aaia.

3 Ma aaia ake a buakaka a na bon kamaunaki, ao ai tera ae a na kona ni karaoia?

4 Bwa te Uea, n te tai are e na roko iai i nanon ana tembora ae tabu, n tekateka i aon ana kaintokanuea te Atua i karawa, matana a na ninia ake a buakaka.

5 Nooria reben matana e na kataiia natia aomata, ao e na kaboia akana a raoiroi, ao a na kataaki. Te Uea e tangiriia ake a raoiroi, ma ake a buakaka, ao teuare e tangira te iowawa, e ribaiia tamneina.