1 Ngkai ni kaineti ma bwaai ake kam koroi nakoiu, ae kangai, E raoiroi ibukin te mwaane bwa e na aki ringa te aine.

2 E ngae n anne, N na taekinna, bwa e aonga n totokoaki te wenenibure i tinanikun te mare, a riai mwaane ni kabane ni karekea oin buuna, ao a riai aine ni kabane ni karekea oin buuna.

5 Tai raure nako temanna mai iroun temanna, ma ti ngkana iai te boraraoi ibukin te tai teuana, bwa kam aonga ni kabanea ami tai n aki mamatam ao n tataro; ao ni manga ikotaki, bwa e na aki kaririko Tatan ibukin am aki konabwai n tauabangin nanom ni kaibwabwaru.

26 Ngaia are au katautau bwa e raoiroi aei ibukin karawawata n te tai aei, bwa te mwaane e na tiku n arona bwa e aonga ni karaoa ae raoiroi riki.

29 Ma I taetae nakoimi ake a weteaki nakon te mwakuri. Bwa aio ae N na taekinna, taari, te tai ae tiku e bon kimototo, n te aro are kam na kanakoaki nakon te mwakuri. Naake iai naba buuia, a na tiku kanga ae akea buuia, bwa kam bon weteaki ao n rineaki bwa kam na karaoa ana mwakuri te Uea.

30 Ao ai arona naba ma naake a tang, ai aron ae aki tang; ao naake a kimwareirei, ai aron ae aki kimwareirei, ao naake a kabooa, kanga ai aron ae aki bwaina;

31 Ao naake a kamanena te aonaba aei, ai aron ae aki kamanena; bwa tein te aonaba aei e na mauna nako.

32 Ma I tangiria, taari, bwa kam na karikirakea weteakimi. I tangiria bwa e na akea tabeaiangami. Bwa ane e tuai mare, e tabeakini bwaai ake ana bwai te Uea, arona ni kakukureia te Uea, ngaia are e na tokanikai.

33 Ma teuare e mare, e tabeakini bwaai ake bwain te aonaba, arona ni kona ni kakukureia buuna, ngaia are iai te kaokoro, bwa iai tutukana.

38 Ngaia are teuare e anga ngaia n te mare e karaoa ae raoiroi; ma teuare e aki anga ngaia n te mare e karaoa ae raoiroi riki.