21 Ao ngkanne iai mwaane aika roko nakoina, ni bukinna, ni kangai, E aera ngkai ko butimwaia taan bure, nooria ko taku bwa Natin te Atua ngkoe.

22 Ma e kaekaia ao e taku, E koaua ae I taekinna nakoimi, Ni kabane bure ake a tia ni karaoi aomata, ngkana a rairannano, a na kabwaraki mai irouia; bwa I roko bwa N na tataekina te rairannano nakoia natia aomata.

23 Ao taetaebuaka, are a na taetaebuaka iai, a na kabwaraki mai irouia akana a nakoiu, ao ni karaoi mwakuri ake a nooria bwa I karaoi.

24 Ma iai te bure are e aki kona ni kabwaraki. Ane e taetaebuaka nakon te Tamnei ae Raoiroi, bon akea kabwaran ana bure; ma e na reke n te kaangaanga are e na teweaki nako man te aonaba. Ao a na karekea te kabuakakaki n aki toki.

25 Ao e taekina aio nakoia, bwa kioina ngke a kangai, Iai te tamnei ae kamwara irouna.