9 Ao a taku nakoina, Kerikaki. Ao a bon un irouna.

10 Ao a taku imarenaia, Te aomata temanna aei e roko ni maeka tabeua te tai i buakora, ao e na kainnanoia ngkai ni karikia ngaia bwa te tia moti; ngkai ti na karaoa ae buakaka riki nakoina nakon are ma uakanne.

11 Mangaia are a taku nakon te mwaane aei, Ti na anaia mwaane, ao natim aine naba; ao ti na karaoa nakoia are ti taku bwa ti tangiria.

12 Ngkai aio bon aron buakakan Totom.

13 Ao Rota e taku, Nooria ngkai, Iai natiu uoman aine aika tuai bo ma te mwaane, kariaiakai, I buti ngkami, ononia tariu bwa I aonga n aki kaotinakoia nakoimi; ao kam na aki karaoa nakoia are kam tangiria ni matami.

14 Bwa te Atua e na aki kariaia ana tia mwakuri n te bwai aei, mangaia are, kariaiai bwa N na ononia tariu, ti n te tai aio, bwa akea te bwai ae kam na karaoia nakoia mwaane aikai, ibukina bwa a na karekea te rau i nanon batau, bwa ngaia anne ae a roko iai i an nuun au auti.

15 Ao a un iroun Rota ao a kaniia bwa a na urua te mataroa, ma ana anera te Atua, ake bon aomata aika tabu, a kaotinakoi baia ao a katika Rota nako nanon te auti nakoia, ao a kaina te mataroa.