ປຈສ, 2 ເທສະໂລນິກ 2:2–3, 7–9. ປຽບທຽບໃສ່ກັບ 2 ເທສະໂລນິກ 2:2–9
ຊາຕານຈະກໍ່ໃຫ້ເກີດການຕົກໄປ ຫລື ການປະຖິ້ມຄວາມເຊື່ອ ກ່ອນພຣະຜູ້ເປັນເຈົ້າຈະສະເດັດກັບມາ.
2 ຢ່າໃຫ້ຈິດໃຈຂອງພວກທ່ານປັ່ນປ່ວນ, ຫລື ສະທ້ານຕົກໃຈຈາກຈົດໝາຍ, ຍົກເວັ້ນແຕ່ພວກທ່ານໄດ້ຮັບມັນຈາກພວກເຮົາ; ບໍ່ວ່າຈະມາດ້ວຍທາງວິນຍານ, ຫລື ມາທາງຄຳເວົ້າ, ໂດຍອ້າງວ່າ ວັນຂອງພຣະຄຣິດມາເຖິງແລ້ວ.
3 ຢ່າໃຫ້ຄົນໃດຫລອກລວງພວກທ່ານໃນທາງໃດທາງໜຶ່ງເລີຍ; ເພາະວັນນັ້ນຈະບໍ່ມາເຖິງ ຈົນກວ່າການຕົກໄປຈະເກີດຂຶ້ນກ່ອນ ແລະ ຜູ້ຊົ່ວຮ້າຍ, ບຸດແຫ່ງຄວາມຈິບຫາຍ, ຈະປະກົດຕົວຂຶ້ນ.
7 ເພາະອຳນາດອັນລຶກລັບແຫ່ງຄວາມຊົ່ວຮ້າຍກໍດຳເນີນການຢູ່ແລ້ວ, ແລະ ມັນຄືຜູ້ທີ່ທຳງານຢູ່ແລ້ວໃນເວລານີ້, ແລະ ພຣະຄຣິດຍອມໃຫ້ມັນເຮັດ, ຈົນກວ່າຈະເຖິງເວລາທີ່ຈະເອົາມັນອອກໄປຈາກທາງ.
8 ແລະ ແລ້ວຄົນຊົ່ວຜູ້ນັ້ນຈະຖືກເປີດເຜີຍ, ຜູ້ຊຶ່ງພຣະຜູ້ເປັນເຈົ້າຈະປະຫານມັນເສຍດ້ວຍວິນຍານແຫ່ງພຣະໂອດຂອງພຣະອົງ, ແລະ ຈະທຳລາຍດ້ວຍຄວາມສະຫວ່າງຂອງການສະເດັດມາຂອງພຣະອົງ.
9 ແທ້ຈິງແລ້ວ, ພຣະຜູ້ເປັນເຈົ້າ, ແມ່ນແຕ່ພຣະເຢຊູ, ຜູ້ຊຶ່ງຈະບໍ່ສະເດັດມາ ຈົນກວ່າການຕົກໄປຈະເກີດຂຶ້ນກ່ອນ, ໂດຍວຽກງານຂອງຊາຕານ ດ້ວຍອຳນາດທັງໝົດ, ແລະ ດ້ວຍເຄື່ອງໝາຍ ແລະ ການອັດສະຈັນທີ່ຈອມປອມ,