9 Ma sa fai atu Aperamo, Le Alii le Atua e, pe faapefea ona e foai mai lenei laueleele ia te aʼu mo se tofi tumau-faavavau?

10 Ma sa fetalai atu le Alii, E ui ina oo le oti ia te oe, pe lē mafai ai ʼea ona ou foai atu lenei laueleele ia te oe?

11 Ma afai e oti, ae e te maua ai lava, aua e oo mai le aso e soifua mai ai le Atalii o le Tagata; ae pe mafai faapefea ona soifua o ia pe afai e lē maliu o ia? e tatau ona muai faaolaina o ia.

12 Ma sa oo ina, tofa mamao atu Aperamo ma vaai i aso o le Atalii o le Tagata, ma sa fiafia ai o ia, ma sa maua ai le mapusaga e lona agaga, ma sa talitonu ai o ia i le Alii; ma sa faitauina ai e le Alii lea mea o le amiotonu mo ia.