9 Ma sa latou fai atu ia te ia, Alu ese ia. Ma sa latou feita ia te ia.

10 Ma sa latou fai ifo ia i latou lava, O lenei tagata na sau e mau ia i tatou, aʼo lea o le a manao e avea o ia lava ma faamasino; o lenei, o le a sili le leaga tatou te faia ia te ia nai lo i latou.

11 O lea na latou fai atu ai ia te ia, O le a matou aveina tamaloloa, atoa foi ma ou afafine; ma o le a matou faia ia te i latou e tusa ma le mea e lelei ia i matou.

12 O lenei mea sa faia e tusa ai ma le amioleaga a Sotoma.

13 Ma sa fai atu Lota, Faauta mai, o loo ia te aʼu ni afafine e toalua e leʼi iloa ni tane, ou te ole atu ia te outou, sei faataga mai aʼu ou te faatoga atu ai i oʼu uso nei, ina ia ou lē avatu ai i laʼua ia te outou; ma ia outou lē faia ai ia te i laʼua le mea tou te faapea e lelei ia te outou;

14 Aua e le taʼuamiotonuina e le Atua lana auauna i lenei mea; o le mea lea, ia tuʼu mai ia te aʼu ou te faatoga atu ai i oʼu uso nei, i lenei lava mea e tasi, ina ia outou lē faia se mea i nei alii, ina ia latou maua le filemu i loʼu fale; aua o le pogai lea na latou o mai ai i lalo o le faapaologa o loʼu fale.

15 Ma sa latou ita ia Lota ma sa toetoe ina malepe ai le faitotoa, aʼo agelu a le Atua, o alii paia ia, na tuu atu o latou lima ma toso mai Lota i totonu o le fale ia te i latou, ma tapuni ai le faitotoa.