FIS, Kenese 17:3–7, 11–12 (faatusatusa i le Kenese 17:3–12)
(Ua faatuina e le Atua le feagaiga o le peritomeina ma Aperaamo. O le sauniga o le papatisoga ma le tausaga e tatau ona papatisoina ai tamaiti na faaali mai ia Aperaamo.)
3 Ma sa oo ina, paʼu Aperamo i ona mata, ma valaau atu i le suafa o le Alii.
4 Ma sa fetalai mai le Atua ia te ia, ua faapea mai, Ua o ese loʼu nuu ai aʼu mataupu, ma ua lē tausia aʼu sauniga, ia na ou tuuina atu i o latou tamā;
5 Ma ua latou lē tausia foi laʼu faauuga, ma le tanumia, po o le papatisoga lea na ou poloaiina ai i latou;
6 Ae ua liliuese ai le poloaiga, ma ua ave ia i latou lava le mulumuluga o tamaiti, ma le sausauina o toto;
7 Ma ua fai mai o le toto o Apelu amiotonu na faamaligiina mo agasala; ma ua latou lē iloa o le mea faamasinoina ai i latou i oʼu luma.
11 Ma ou te faatuina le feagaiga o le peritomeina ma oe, ma fai lea mea ma aʼu feagaiga i le va o aʼu ma oe, ma lau fanau pe a mavae atu oe, i a latou tupulaga; ina ia e iloa ai e faavavau e lē faamasinoina tamaiti i oʼu luma seia oo atu i latou i le valu tausaga le matutua.
12 Ma ia vaai ua e tausia aʼu feagaiga uma ia na ou osifeagaiga ai ma ou tamā; ma ia e tausia poloaiga ia ua ou tuuina atu ia te oe i loʼu lava gutu, ma e fai aʼu ma Atua mo oe ma lau fanau pe a mavae atu oe.
FIS, Kenese 17:23 (faatusatusa i le Kenese 17:17)
(Na ʼoliʼoli Aperaamo ina ua folafola mai le fanau mai o Isaako.)
23 Ona paʼū ai lea o Aperaamo i ona mata ma le ʼoliʼoli, ma fai ifo i lona loto, E fanau mai se tamaitiiti i lē ua selau tausaga le matua, ma e fanau Sara ua ivagafulu tausaga le matua.