JSN, Hebrewfo 7:3. Fa to Hebrewfo 7:3 ho
Nna Melchizedek yɛ sɔfo wɔ Nyankopɔn ne Ba no ne nhyehyɛɛ no mu. Hɔn a wɔgye asɔfodzi yi botum abɛyɛ tse dɛ Nyame Ne Ba no.
3 Osiandɛ Melchizedek yi wɔhyɛɛ no sɔfo wɔ Nyankopɔn ne Ba no ne nhyehyɛɛ do, nhyehyɛɛ a onnyi egya, onnyi nã, anaa ebusuasantsen, onnyi nda ahyɛse anaa nkwa ewiei. Na hɔn a wɔhyɛ hɔn asɔfodzi yi wɔyɛ hɔn dɛ Nyankopɔn ne Ba no, a wɔtse asɔfodzi mu daa.
JSN, Hebrewfo 7:19–21. Fa to Hebrewfo 7:19–21 ho
Mbra no siesiee nkorɔfo maa Jesus, a ɔyɛ “ahyɛmudzi a oye kyɛn no ho egyinamu no.”
19 Na wɔdze mbra no dzii dwuma a ntanka nnkã ho na wɔamma biribiara enndzi mu, na eso wɔdze enyidado a oye kyɛn no ara bae; ɔnam do ma yɛtwe bɛn Nyankopɔn.
20 Susuampa dɛ ɔsɔfopanyin yi woennkwetsi ntanka annhyɛ no sɔfo yi, dɛmara so na Jesus wɔayɛ no ahyɛmudzi a oye kyɛn no ho egyinamu no.
21 (Na dɛm asɔfo no wokwetsii ntanka dzii asɔfo; na ɔnodze ɔdze ntanka hyɛɛ no sɔfo nyia ɔsee no dɛ, Ewuradze kãa ntam, na ɔrennsesã, Ɔwo eyɛ ɔsɔfo afebɔɔ wɔ Melchizedek nhyehyɛɛ do;)
JSN, Hebrewfo 7:25–26. Fa to Hebrewfo 7:26–27 ho
Jesus dze Noho bɔ afɔr dɛ afɔrbɔ a bɔn biara nnyi ho ma hɛn bɔn.
25 Na dɛm sɔfopanyin yi ɔfata hɛn, ɔno a ɔyɛ krɔnkrɔn, onndzi abra, fĩ biara nnyi no ho, oeyi no ho efi ndzebɔnyɛfo ho, na wɔayɛ no ɔsorsor do ɔhwɛfo;
26 Na ɔnntse dɛ dɛm asɔfompanyin no a wɔbɔɔ afɔr daa no, odzi kan wɔdze maa hɔnankasa hɔn bɔn no, na nkyii wɔdze maa nkorɔfo hɔn bɔn no; na onnhia dɛ ɔbɔ afɔr ma noara no bɔn osiandɛ onnyi bɔn; mbom ɔdze ma nkorɔfo no hɔn bɔn. Na iyi ɔyɛɛ no prɛko, ber a ɔdze nankasa noho bɔɔ afɔr no.