Joseph Smith Nkyerɛase Ntaekyir Nwoma MbueienyiDza odzi do yi yɛ nyiyimu mu bi wɔ Joseph Smith Nkyerɛase (JSN) a ɔyɛe wɔ Bible, Ɔhen James dze no. Ewuradze na okenyaan Nkɔnhyɛnyi Joseph Smith dɛ nokwar a ɔwɔ Bible, Ɔhen James dze no nwoma no mu a ayew anaa asesã fitsi asɔpɔkan no a wɔkyerɛɛw nsɛmfua no, ɔnsan mfa mbra. Nokwar yinom a wɔdze asan aba no ama nkyerɛkyerɛ enyim ada hɔ pefee na woetu kyerɛwsɛm ntseasee mu mpon. JSN, Genesis JSN, Genesis 1–8Bible mu nwoma yi Joseph Smith dze saan ananmu bae na woetsintsim no wɔ Bota a Ɔsom Bo mu dɛ Nyiyimu a ofi Moses Nwoma no mu. JSN, Genesis 9Nsuyirii no ekyir no, Noah bisa Ewuradze dɛ mma ɔnndom asaase no bio. JSN, Genesis 14Melchizedek hyira Abraham. Wɔkyerɛ fa Melchizedek no somdwuma kɛse no na tum na nhyira horow a ɔwɔ Melchizedek Asɔfodzi no mu. JSN, Genesis 15Abraham sũa fa Owusoɛr ho na ohu Jesus No honandua mu somdwuma no wɔ enyido-adzehu mu. JSN, Genesis 17Nkorɔfo pow dɛ wobedzi asɛmpa ayɛdze no do, a enuma kã ho. Nyankopɔn kyerɛkyerɛ twatsiatwa ho ahyɛmu na mbofra hɔn nkontaabuber mu kyerɛ Abraham. JSN, Genesis 19Lot tsia Sodom emumuyɛdze no, na abɔfo bɔ noho ban. JSN, Genesis 21Abraham sɔr daapem Nyankopɔn no. JSN, Genesis 48Ephraim na Manasseh bɛyɛ Israel ebusuakuw. Tse dɛ mbrɛ tsetse Joseph gyee n’ebusua honandua afamu no, n’asefo bɛgye Israel sunsum afamu wɔ nda a odzi ekyir no mu. JSN, Genesis 50Joseph a ɔwɔ Egypt no hyɛ nkɔm fa Moses a ɔbɛgye Israelfo efi Egyptfo nkowaasom mu; fa Joseph n’asefo abaw a wobegya hɔn akɔ ekyirekyir asaase bi do, bea a wɔbɛkaa hɔn wɔ Ewuradze n’ahyɛmudzi mu; wɔ Nyankopɔn a Ɔbɛfrɛ nda a odzi ekyir nkɔnhyɛnyi a wɔfrɛ no Joseph a ɔdze Judah na Joseph nkyerɛwee no bɔbɔ mu; na fa Aaron a ɔsom dɛ Moses ɔkasamafo. JSN, Exodus JSN, Exodus 4Ewuradze enndzi sõ wɔ Pharoah n’akoma a epirim no no ho. Hwɛ iyi so JSN, Exodus 7:3, 13; 9:12; 10:1, 20, 27; 11:10; 14:4, 8, 17; ntõtõho biara no, sɛ wɔkyerɛase yie a ɔkyerɛ dɛ Pharoah noara na opirim n’akoma. JSN, Exodus 18Jethro yɛ ɔsɔfopanyin. JSN, Exodus 22Ewudzifo nnkɛtsena ase. JSN, Exodus 32Ewuradze dze befir Israelfo a wobonu hɔnho no. JSN, Exodus 33Nyimpa ɔdzebɔnyɛnyi biara nnkotum ahwɛ Nyankopɔn n’enyim na ɔatsena ase. JSN, Exodus 34Nyankopɔn kyerɛw mbra no bio wɔ abopon a Moses esiesie do mbom oyi Melchizedek Asɔfodzi no na n’ayɛdze horow no fi Israel mba mu. Ɔma hɔn honandua afamu mbrasɛm hyɛ anan mu. JSN, Deuteronomy JSN, Deuteronomy 10Apon a odzi kan no do Nyame da asɔfodzi krɔnkrɔn ne daapem ahyɛmu no edzi. JSN, 1 Samuel JSN, 1 Samuel 16Sunsum bɔn no a ɔbaa Saul do no ommfi Ewuradze hɔ. JSN, 2 Samuel JSN, 2 Samuel 12David no bɔn kɛse no, Nyame enntwa mu. JSN, 1 Mbermunsɛm JSN, 1 Mbermunsɛm 21Nyame siw ɔbɔfo no kwan ma ɔnnsɛɛ Jerusalem. JSN, 2 Mbermunsɛm JSN, 2 Mbermunsɛm 18Ewuradze mmfa ator esunsum nnhyɛ nkɔnhyɛfo hɔn anomu. JSN, Ndwom JSN, Ndwom 11Nda a odzi ewiei no mu no atseneneefo no boguan akɔ Ewuradze ne bepɔw no do. Sɛ Ewuradze ba a, Ɔbɛsɛɛ emumuyɛfo no na Ɔapon atseneneefo no. JSN, Ndwom 14Ɔdwontofo no hu nokwar a wɔayew wɔ nda a odzi ewiei no mu na ɔhwɛ Zion ne nkyekyeree no kan. JSN, Ndwom 24Enyimnyam Hen no bɔpon No nkorɔfo wɔ Ne mbae ber mu. JSN, Ndwom 109Ɔwɔ dɛ yɛbɔ mpaa ma hɛn atamfo. JSN, Isaiah JSN, Isaiah 29Nsɛm a nna tsetse nkɔnhyɛfo kã ho nsɛm wɔ Jerusalem no, nda a odzi ekyir no wɔbɛkã ho asɛm efi Mormon Nwoma no a, “ofi asaase mu” bae no mu. JSN, Isaiah 42Ewuradze soma N’akowaa dɛ ɔnkyerɛkyerɛ hɔn a wɔasan mu eyi dɛ wonnkohu anaa wɔnnketsie nokwar no; hɔn a wobetsie na wobedzi do no bedzi mu. JSN, Jeremiah JSN, Jeremiah 26Ewuradze nnu no ho; nyimpa na onu no ho. JSN, Amos JSN, Amos 7Ewuradze nnu no ho; nyimpa na onu no ho. JSN, Matthew JSN, Matthew 3Nkɔnhyɛfo no hyɛɛ ho nkɔm dɛ Bethlehem bɛyɛ Agyenkwa no n’awoo bea. JSN, Matthew 4Sunsum no na odzi Jesus enyim na nnyɛ Satan bi. JSN, Matthew 5Obiara a osie mbransɛm no na ɔkyerɛkyerɛ binom ma wɔyɛ dɛmara no wɔbɛgye no nkwa. JSN, Matthew 6Ewuradze nngya hɛn nnkɔ nsɔhwɛ mu. JSN, Matthew 7Mma hom mmbu atsɛnkyew. JSN, Matthew 9Jesus pow Phariseefo enuma no; onnyi mfaso biara osiandɛ wɔnngye No nto mu. Ɔpaa mu kã dɛ Ɔno na Ɔmaa Moses mbra no. JSN, Matthew 11John Onumanyi no nye Elias no a ɔbɛba ebesiesie kwan ama Agyenkwa no. JSN, Matthew 12Obiara a ɔkasa tsĩa Sunsum Krɔnkrɔn no wɔnnkɛfa akyɛ no. JSN, Matthew 13Ansaana wiadze n’ewiei bɛba no (emumuyɛfo no hɔn nsɛɛe no), abɔfo a ɔsor asoma hɔn no bɔboaboa atseneneefo no mu efi emumuyɛfo no mu. JSN, Matthew 16Jesus kyerɛkyerɛ “ebɛfa wo mbeamudua” n’asekyerɛ mu: dɛ ebɛpa dza ɔnnyɛ nyamesu nye wiadze akɔndɔdze biara na ibesie Ne mbrasɛm no. JSN, Matthew 17Jesus kyerɛkyerɛ fa Eliasfo beenu ho—kor na obesiesie na ɔbaako so dze nsan ananmu aba. JSN, Matthew 18Mbofra nkakraba nnhia nnuho. JSN, Matthew 19Wɔbɛgye mbofra nkakraba nkwa. JSN, Matthew 21Otwar dɛ nyimpa nu no ho ansaana oetum agye Christ edzi. JSN, Matthew 23Onyia a ɔwɔ sor no nye hɛn bɔfo. JSN, Matthew 26Jesus dzi kan bubu sacrament panoo no na nkyii Ohyira do. Sacrament no dze kaa hɛn Jesus No honandua na No bɔgyaa. JSN, MatthewWɔkã Judas no wu ho asɛm. JSN, Mark JSN, Mark 2Nyimpa Ba no yɛ Ahomgyeda no do Owura osiandɛ ɔno na ɔyɛɛ Ahomgyeda no. JSN, Mark 3Jesus dze adzebɔnyɛfo nyina a wonu hɔnho no hɔn bɔn bɛkyɛ hɔn gyedɛ hɔn a wɔkã ebususɛm tsĩa Sunsum Krɔnkrɔn nko. JSN, Mark 7Jesus kasa dze bu hɔn a wɔpow nkɔnhyɛfo na wonnsie Moses mbra no fɔ. JSN, Mark 8Obiara a ɔwɔ pɛ dɛ owu wɔ Jesus ntsi no benya nkwagye. JSN, Mark 9John Onumanyi no kɔ Nsakyeree Bepɔw no do. JSN, Mark 12Nyame nnyɛ ewufo hɔn Nyame, osiandɛ Onyan ewufo fi hɔn nda mu. JSN, Mark 14Jesus dze sacrament no bɔbɔɔ adze dze yɛ No honandua na No bɔgyaa ho nkaa. JSN, Mark 16Abɔfo beenu kyia mbasiafo wɔ Agyenkwa ne nda no ho. JSN, Luke JSN, Luke 1Zacharias, John Onumanyi no n’egya, yɛ n’asɔfodwuma. JSN, Luke 2Akyerɛkyerɛfo abemfo no tsie Jesus wɔ temple no mu na wobisabisa No nsɛm. JSN, Luke 3Christ bɛba dɛ mbrɛ wɔahyɛ ho nkɔm no dze nkwagye abrɛ Israelfo na Amanamamfo. Mber amãhyɛ mu no, Ɔbɛba bio Ebobua wiadze atsɛn. JSN, Luke 6Jesus kyerɛkyerɛ dɛ oye dɛ yɛbɔsɔw atseetsee kyɛn dɛ yɛnye ɔtamfo no bedzi esi. JSN, Luke 9Wiadze ahonyadze ne nyae nnsom bo nnkyɛn ereyew wo kra. JSN, Luke 11Kyerɛwsɛm ne mãhyɛ no nye nyimdzee saafee. JSN, Luke 12Jesus kyerɛkyerɛ mu dɛ ebususɛm ne kã a otsia Sunsum Krɔnkrɔn no wɔremmfa nkyɛ. JSN, Luke 14Hɔn a wonyim Moses na nkɔnhyɛfo no wɔgye Jesus dzi. JSN, Luke 16Mbra no na nkɔnhyɛfo no gye Jesus ho dase. Phariseefo no hwehwɛ dɛ wɔbɛsɛɛ ahenman no. Jesus yi obirɛmpɔn no na Lazarus abɛbu no enyim. JSN, Luke 17Nyankopɔn ahenman no aba dadaw. JSN, Luke 18Etwer ahonyadze a, osiw ɔdasanyi kwan dɛ ɔbɛhɛn Nyankopɔn n’ahenman mu. JSN, Luke 21Jesus kasa fa nsɛnkyerɛdze binom a ɔfa Ne mbae no ho. JSN, Luke 23Jesus bisa bɔnfakyɛ ma Rome nsordaafo no a wɔrobɔ No mbeamudua mu no. JSN, Luke 24Mbaa no hu abɔfo beenu wɔ Jesus ne nda no ho. JSN, John JSN, John 1Wɔakã Jesus Christ n’asɛmpa no fi ahyɛse no. John Onumanyi no nye Elias no a osiesie kwan ma Christ no, na Jesus Christ nye Elias no a ɔdze ndzɛmba nyina bɛsan ananmu aba na No mu na nkwagye dua ba. JSN, John 4Phariseefo no pɛ dɛ wokum Jesus. Onuma binom, mbom N’esuafo no numa pii sen No. JSN, John 6Egya no Ne pɛ nye dɛ obiara bɛgye Jesus. Hɔn a wɔbɛyɛ Jesus Ne pɛ no wɔbɛnyan hɔn wɔ atseneneefo wusoɛr no mu. JSN, John 13Jesus hohor Asomafo no anan ho dze hyɛ Jewfo mbra no mã. JSN, John 14Sum henbabanyin no; anaa Satan, dzi adze wɔ wiadze yi mu. JSN, Ndwuma JSN, Ndwuma 9Hɔn a wɔnye Paul wɔ hɔ ber a ɔsakyeree no, hu kan no, mbom wɔnntse ndze no anaa dɛ woennhu Ewuradze. JSN, Ndwuma 22Ɔsafohen panyin no siaan Paul fii ne nkyehoma no mu. JSN, Romefo JSN, Romefo 3Paul kyerɛkyerɛ dɛ nyimpa runntum nnyɛ bɔn mmfa papa mmbɔbɔ adze. JSN, Romefo 4Jesus Christ N’adom nko na ɔbɛgye nyimpa nkwa, nnyɛ ndwuma a ɔfa Moses mbra ne ndzido ho. JSN, Romefo 7Christ nko na Ɔwɔ tum dɛ Ɔsakyer nyimpa akra afebɔɔ ma ɔyɛ papa. JSN, Romefo 8Hɔn a wodzi honam akwan ekyir no nntum nnsɔ Nyankopɔn enyi. JSN, Romefo 13Hɔn a wodzi aman tumdzifo nyi no wɔma Nyankopɔn enyidzi a ɔkrɔn na odzi mu. JSN, 1 Corinthfo JSN, 1 Corinthfo 7Paul kyerɛkyerɛ dɛ awar yɛ apɛdze pa. Naaso, hɔn a wɔafrɛ hɔn dɛ asɛmpasomafo no dze, wɔsom Nyame yie sɛ wɔyɛ dɛ esigyafo wɔ hɔn som ber no mu a. JSN, 1 Corinthfo 15Owusoɛr mu wɔ enyimnyam ntwerba ahorow ebiasa. JSN, 2 Corinthfo JSN, 2 Corinthfo 5Paul tu ahotseweefo fo dɛ mma wɔnntsena dɛ mbrɛ honam akwan mu tse. JSN, Galatiafo JSN, Galatiafo 3Moses nye ahyɛmu a odzi kan no, anaa mbra no mu ntamugyinafo. Jesus Christ nye ahyɛmu fofor mu ntamugyinafo. JSN, Ephesusfo JSN, Ephesusfo 4Emumuyɛ ebufuw yɛ bɔn. JSN, Colossaefo JSN, Colossaefo 2Nyimpa mbra botum asom bo wɔ nkyerɛkyerɛ wɔ ndzɛmba binom dɛ ahohyɛdo mu, mbom wonndzi Nyankopɔn nyi anaa wɔnngye nyimpa nkwa so. JSN, 1 Thessalonicafo JSN, 1 Thessalonicafo 4Hɔn a wɔyɛ atseneneefo a wɔtse ase wɔ Ewuradze ne mbae mu no wɔnnkɔkrɔn akyɛn atseneneefo a woewuwu no. JSN, 2 Thessalonicafo JSN, 2 Thessalonicafo 2Satan dze ase hwe anaa gyedzi ho asehwe bɛba ansaana Ewuradze asan aba. JSN, 1 Timothy JSN, 1 Timothy 2Christ nye Ɔba no a Wɔwoo no Kortoo no na Ntamugyinafo. JSN, 1 Timothy 3Wɔakyekyer Asɔr no esi ngyinado fapem no dɛ Jesus baa nyimpadua mu, ɔkyerɛkyerɛɛ asɛmpa no, na ɔsanee kɔr N’Egya nkyɛn. Asɛnsin: Nsesã kumabaa a ɔwɔ nyiyimu yi a odzi do yi mu no tsĩ mu kyerɛ dɛ “nokwar no ne fadum na ne farbaa” no nye Jesus Christ. JSN, 1 Timothy 6Hɔn a wɔwɔ bɛkyebo (asɛmpa no) ne kan tse hɔn mu no na wobotum ehu Jesus. JSN, Hebrewfo JSN, Hebrewfo 1Abɔfo yɛ esunsum a wɔsom. JSN, Hebrewfo 4Hɔn a wopirim hɔn akoma no wɔrenngye hɔn nkwa; hɔn a wonu hɔnho no bɛhɛn Ewuradze n’ahomgye mu. JSN, Hebrewfo 6Christ ne nkyerɛkyerɛ fapem no na ogya kɔ emudzi mu. JSN, Hebrewfo 7Nna Melchizedek yɛ sɔfo wɔ Nyankopɔn ne Ba no ne nhyehyɛɛ no mu. Hɔn a wɔgye asɔfodzi yi botum abɛyɛ tse dɛ Nyame Ne Ba no. JSN, Hebrewfo 11Gyedzi nye awerɛhyɛmu a osi pi wɔ ndzɛmba a enyi da ho kwan. JSN, James JSN, James 1Amandzehu, nnyɛ nsɔhwɛ, na ɔboa tsew hɛn ho. JSN, James 2Onnyi dɛ asɔrmba dze obu a ɔkrɔn ma nyimpa kor kyɛn binom. JSN, 1 Peter JSN, 1 Peter 3Esunsum a wogu efiadze nna binom nnyɛ tsenenee wɔ Noah ber no. JSN, 1 Peter 4Wɔkã asɛmpa no kyerɛ ewufo. JSN, 2 Peter JSN, 2 Peter 3Nda a odzi ekyir mu no, nkorɔfo pii bɔpow Ewuradze Jesus Christ. Ber a Ɔbɛba no, ɔdomankoma esian pii besisi. Sɛ yetsim wɔ tsenenee mu a, yebenya asaase fofor. JSN, 1 John JSN, 1 John 2Christ nye hɛn dzimafo wɔ Egya no nkyɛn sɛ yɛ nu hɛnho a. JSN, 1 John 3Obiara a Nyankopɔn awo no no nnkɔdo wɔ bɔn mu. JSN, 1 John 4Nyimpa a wɔgye Nyankopɔn dzi no nko na wobotum ehu No. JSN, Nyikyerɛ JSN, Nyikyerɛ 1John Ɔsomafo no nya nkɔnhyɛ horow a ɔwɔ Nyikyerɛ nwoma no mu no. Jesus Christ na ɔsor bɔfo bi bɛsera no. JSN, Nyikyerɛ 2Emumuyɛfo no wɔtow hɔn kogu hɛl. JSN, Nyikyerɛ 5Ɔsoma Nyankopɔn n’asomfo duebien kɔ wiadze nyina. JSN, Nyikyerɛ 12John kyerɛkyerɛ ɔbaa no, abofra no, dadze poma no, dragon no, na Michael ngyinahɔmadze no mu. Ɔkõ no a wɔhyɛɛ ase wɔ sor no wɔtoa do wɔ asaase do. Hyɛ nsesã a ɔwɔ nkyɛkyɛmu esiado esiado no a ɔwɔ JSN mu no nsew. JSN, Nyikyerɛ 9Nyankopɔn dze Christ n’asɛm no hwe aman.