5 Mbom sɛ yɛtsena hɛn brakyew mu na yeyi Nyankopɔn ne tsenenee kyerɛ a, osi dɛn mbɔ na yɛbɛse dɛ, Nyankopɔn a odzi awer no nntsen? (Mekã no dɛ nyimpa a osuro Nyame,)

6 Nyame mpa ngu; sɛ ɔtse dɛm a, nkyɛ Nyankopɔn bɛyɛ dɛn ebu wiadze atsɛn?

7 Na sɛ wɔnam m’ator do ahyɛ Nyankopɔn no nokwar, (dɛ mbrɛ Jewfo no frɛ no no,) enyimnyam mbordo a, ɔyɛ dɛn na wɔda ho bu me atsɛn dɛ ɔdzibɔnyɛnyi? na wɔnngye me? Osiandɛ wɔkã hɛnho nsɛmbɔn;

8 Na binom kã dɛ yɛse, (woyinom hɔn afɔbu tsen,) Hom mma yɛnyɛ bɔn ama papa aaba. Mbom iyi yɛ ɔtor.