JSN, Mark 9:3. Fa to Mark 9:4 ho
John Onumanyi no kɔ Nsakyeree Bepɔw no do.
3 Na hɔ na Elias nye Moses puei hɔn do, anaa sɛ yɛrekã a, John Onumanyi na Moses, nna wɔnye Jesus rekasa.
JSN, Mark 9:40–48. Fa to Mark 9:43–48 ho
Jesus dze irutwa wo nsa anaa anan a ɔroto wo fintsindua no to irigyaa fɛkuwbɔ horow a obegya wo ma atɔ dɔnsuar ho.
40 Dɛm ntsi, sɛ wo nsa na ɔto wo fintsidua a, twa fi hɔ, anaa dɛ sɛ wo nua bi na ɔbɔfom wo na ɔannkã no bɔn na ɔanntwe no ho emmfi ho a, ɔno wobotwa no akyen. Oye ma wo dɛ ibedzi dzɛm akɔ nkwa mu kyɛn dɛ ewɔ nsa ebien na edze bɔkɔ hɛl.
41 Osiandɛ, oye ma wo dɛ ebɛhɛn nkwa mu a wo nua nnka woho, sen dɛ ɔwo na wo nua wɔbɔtow hɔn akɔ hɛl, wɔ gya a worunndum no da no mu, hɔ na hɔn nsunsuma nnwu na gya no, nndum.
42 Na bio, sɛ wo nan na ɔto wo fintsidua a, twa kyen, na nyia ɔyɛ wo gyinapɛn, ɔno a n’ananmu na itsiatsia no, sɛ ɔbɛyɛ mbratofo a wobotwa no akyen.
43 Oye ma wo dɛ edze anansin bɔkɔ wo nkwa mu kyɛn dɛ ewɔ anan ebien na wɔdze wo bɔkɔto hɛl, wɔ gya a worunndum da no mu.
44 Dɛm ntsi wɔmma obiara ngyina anaa ɔnhwe ase mma noara no ho, na mma ɔnnyɛ mma obi, anaa dɛ mma ɔnntwer nyimpa fofor biara.
45 Hom mbisa m’Egya, na dza hom bebisa no, ɔbɛyɛ no dɔn no ara mu, sɛ hom bisa no gyedzi mu na hom gye dzi dɛ hom nsa bɛkã.
46 Na sɛ w’enyiwa a ohu adze ma wo, nyia oeyi no esi hɔ dɛ ɔnhwɛ wo do na ɔnkyerɛ wo kan no, bɛyɛ mbratofo na fintsidua ama wo a, tu no kyen.
47 Oye ma wo dɛ edze enyiwa kor bɔkɔ Nyankopɔn n’ahenman mu kyɛn dɛ ewɔ enyiwa ebien na wɔdze wo bɔkɔto hɛl gya mu.
48 Ɔnam dɛ, oye dɛ wɔbɛgye woara nkwa, kyɛn dɛ wɔdze ɔwo na wo nua bɔkɔto hɛl, hɔ na hɔn nsunsuma nnwu na gya no onndum.