21 Na nkyii mbanyin binom baa ne nkyɛn, tõaa no, see dɛ, Ɔyɛ dɛn ntsi na egye adzebɔnyɛfo, wɔ aber a eyɛ wo ho dɛ Nyankopɔn Ba yi?

22 Na obuaa hɔn na ɔsee dɛ, Nokwar mese hom dɛ, Bɔn biara a nyimpa ayɛ, sɛ wonu hɔn ho a, wɔdze bɛkyɛ hɔn; osiandɛ me baa dɛ merebɛkã nnuhu nsɛm akyerɛ adasamba.

23 Na ebususɛm nyina a wɔbɛkã etsia no, wɔdze bɛkyɛ hɔn a wɔba mo hɔ no, na wɔyɛ ndwuma a wohu dɛ meyɛ no.

24 Mbom bɔn bi wɔ a wɔnnkɛfa akyɛ. Nyia ɔbɛkã ebususɛm etsia Sunsum Krɔnkrɔn no onnya fakyɛ da; mbom ɔwɔ mbusu mu dɛ wobotwa no egu efi wiadze no mu. Na wobenya onnyiewie afɔbu ayɛ hɔn dze.

25 Na ɔkãa iyi kyerɛɛ hɔn osiandɛ wɔkãa dɛ, Ɔwɔ sunsum fĩ.