1 Due, Ariel, Ariel, kurow a David kyeer mu nsera no! afe biara; wɔmbɔ okum afɔr.

2 Na mebɛma Ariel ho akyer no, na nkɔmbɔdzi na sukwadwom aba hɔ; na Ewuradze ase me dɛ, Ɔbɛyɛ ama Ariel;

3 Dɛ emi Ewuradze mebɛkyer nsera etwa no ho ehyia, na medze abantsentsen abɔ no ho dantaban, na mesisi aban etsia no.

4 Na wɔbɛbrɛ no adze, na obefi asaase tsirmu akasa, na ne kasaa bɛyɛ bɔkɔɔ efi huntuma mu; na ne ndze bɛyɛ dɛ obi a ɔwɔ samamfrɛnyi ndze; efi asaase tsirmu, na ne kasaa bɔwasa efi huntuma mu aba.

5 Na n’atamfo dodow no bɛyɛ dɛ huntuma ketseabaa, na ahoɔhufo dodow no ayɛ dɛ ntsɛw a ɔresen kɔ; nyew; ɔbɛba dɛm awora, awerɛfir mu.

6 Osiandɛ dɔm Ewuradze dze wimu mpaapaamu nye asaasewosow, nye dede kɛse, nye mframa dzendzen, nye ehum, nye ogyaframee dzendzen bɛba abɛsera hɔn.

7 Na aman nyinara a wɔnye Ariel dzi akõ hɔn nyimpadodow, hɔn a wɔkõ tsia no nye n’akõdze, na wɔtseetsee no no, bɛyɛ dɛ anago adaaso mu enyido-adzehu.

8 Nyew, na ɔbɛyɛ hɔn tse dɛ mbrɛ nyia ɔkɔm dze no sõ daa, na hwɛ, oridzizi, mbom hwɛ onyan na ne kra da pan; anaa dɛ ɔtse dɛ mbrɛ nyia nsukɔm dze a ɔsõ daa, na hwɛ, ɔronom, mbom onyan, na hwɛ ɔatɔ bitsi, na ne kra kɔn dɔ. Nyew, dɛmara so na amanaman mu nyimpadodow no a wɔnye bepɔw Zion dzi akõ no wɔbɛyɛ.