4 Dɛ mbrɛ wɔakyerɛw no wɔ nkɔnhyɛnyi Isaiah no nwoma no mu no, na nsɛm no nye iyi, rese dɛ, Obi ne ndze retsẽa mu wɔ sar no do dɛ, Hom nsiesie Ewuradze no kwan no na hom mma n’atsempɔn ntsentsen.

5 Na hwɛ, na hwɛ, ɔbɛba, dɛ mbrɛ ɔakyerɛw no wɔ nkɔnhyɛfo nwoma mu no, oebeyi wiadze bɔn akɔ no, na ɔdze nkwagye abrɛ aman a wɔyɛ abosonsɔrfo no, na ɔaboaboa hɔn a wɔayew no ano, a wɔwɔ Israel nguankuw no mu;

6 Nyew, hɔn mpo a wɔabɔ hɔn apetse na wohu amandze; na woesiesie kwan no, na ɔama asɛmpakã wɔ Amanamamfo mu no etum aba do;

7 Na ɔayɛ kan ama dodowara a wɔtse sum mu, dze ekodu asaase ano noho nyina do, dze ewufo mu wusoɛr abɔbɔ adze na ɔafow akɔ sor, akɛtsena Egya no n’abanyimfa.

8 Kɛpɛm dɛ mber amãhyɛ no bɛba, na ɔasɔw mbra na adasedzi ano, na ahenman no ne nsaafee wɔdze bɛsan bio dze ama Egya no;

9 Obobu hɔn nyinara atsɛn tsen; na obesian dze atsɛmbu aba hɔn nyinara do, na ɔama hɔn a wonnyim Nyame no ehu hɔn ndzeyɛɛ a, wɔayɛ a, ɔnnyɛ Nyame su no; na iyi nyinara wɔ da no a ɔbɛba no mu;

10 Ɔnam dɛ ɔyɛ tum da; nyew, bɔnsa biara wobesiw no, na bepɔw anaa koko biara wɔbɛbrɛ no adze; na dza wɔakyea so wɔatsen no, na akwan basabasa no so wɔayɛ no tromtrom;

11 Na honam nyina bohu Nyame no nkwagye.

19 Theophilus, na inyim no yie dɛ, wɔ Jewfo kwan do no, na dɛ mbrɛ hɔn mbra n’amandze tse a wɔfa do gye sika gu sikakorabea no, dɛ ofi mbordo a wonya no mu, na wɔhyehyɛɛ maa ehiafo no, nyimpa biara na ne kyɛfa.

20 Na dɛm kwan yi do na atowgyefo no so yɛɛ, dɛm ntsi John see hɔn dɛ, Mma hom nngye mmbor dza wɔahyehyɛ ama hom no.