1 Okotobonyi na ɔse n’akoma mu dɛ, Nyimpa bi nnyi hɔ a oehu Nyame. Osiandɛ onnyi no ho nkyerɛ hɛn, dɛm ntsi Nyame nnyi hɔ. Hwɛ, wɔaprɔw; wɔayɛ mbusu ndwuma, na hɔn mu biara nnyɛ papa.

2 Na Ewuradze fi sor hwɛɛ adasamba, na ɔnam ne ndze do see n’akowaa dɛ, Hwehwɛ adasamba mu, dɛ sɛ ibohu dɛ obi wɔ hɔ a ɔtse Nyame ase. Na obuei n’ano kyerɛɛ Ewuradze, na ɔsee dɛ, Hwɛ, iyinom nyinara wɔse wɔyɛ wo dze.

3 Na Ewuradze buae, na ɔsee dɛ, Hɔn nyinara aman nkyɛn, hɔn nyina ayɛ fĩ, innkotum ehu hɔn mu biara a ɔyɛ papa, dabida, nnyɛ baako mpo.

4 Hɔn a wɔwɔ ara dɛ wɔyɛ hɔn akyerɛkyerɛfo yɛ emumuyɛ n’edwumayɛfo; na nyimdzee biara nnyi hɔn mu. Hɔn na wodzidzi mo nkorɔfo ho. Wodzidzi na wɔmmfrɛ Ewuradze.

5 Suro kɛse ekitsa hɔn, osiandɛ Nyame tsena tseneneefo mbasantsen mu. Ɔma ehiafo apam, osiandɛ emumuyɛfo hyɛ hɔn fɛr, na woguan kɔdɔ Ewuradze, yɛ no hɔn guandɔbew.

6 Ehiafo apam hyɛ hɔn fɛr osiandɛ Ewuradze nye hɔn guandɔbew.

7 Ao nkyɛ Israel nkwagye no, Zion wɔakyekyer efi sor aba. O Ewuradze, dabɛn na ebɛma Zion etsim? Aber a Ewuradze dze ne man ndɔmmumfo bɛsan aba no, nna Jacob bedzi ehurusi, na Israel n’enyi begye.