JSN, Exodus 4:21. Fa to Exodus 4:21; 7:3, 13; 9:12; 10:1, 20, 27; 11:10; 14:4, 8, 17; Deuteronomy 2:30 ho
Ewuradze enndzi sõ wɔ Pharoah n’akoma a epirim no no ho. Hwɛ iyi so JSN, Exodus 7:3, 13; 9:12; 10:1, 20, 27; 11:10; 14:4, 8, 17; ntõtõho biara no, sɛ wɔkyerɛase yie a ɔkyerɛ dɛ Pharoah noara na opirim n’akoma.
21 Na Ewuradze see Moses dɛ, Sɛ esan kɔ Egypt a, hwɛ ahobowdze a medze ahyɛ wo nsa nyinara no na yɛ no wɔ Pharoah enyim, na mebɛyɛ wo prɔmprɔm; na mbom Pharoah bepirim n’akoma, na ɔnnkɛma ɔman no akɔ.
JSN, Exodus 4:24–27. Fa to Exodus 4:24–27 ho
Ber a Ewuradze hunahuna Moses dɛ oenntwa ne babanyin twatsiatwa no ntsi oboku no no, Zipporah yɛ ayɛdze no dze gye no nkwa. Moses kã no bɔn.
24 Na ɔbaa dɛ, Ewuradze yii noho kyerɛɛ no ber a ɔwɔ ɔkwan no do asoɛe nkyɛn hɔ no. Na Ewuradze no bo efuw Moses, na ɔka kakra ma ne nsa abɔ no do eku no; osiandɛ nna onntwaa ne babanyin no twatsiatwa.
25 Nna Zipporah faa ɔtwerɛbo a n’ano yɛ ndam na otwaa ne babanyin no twatsiatwa, na ɔtoow ɔbo no too n’ananadze, na ɔsee dɛ, Ampaara dɛ ɔwo eyɛ bɔgya okumfor ma me.
26 Na Ewuradze gyaa Moses mu na ɔmaa ɔkɔree, osiandɛ Zipporah, ne yer, twaa abɔdomaba no twatsiatwa. Na ɔsee dɛ, Ɔwo eyɛ bɔgya okumfor. Na Moses n’enyim guu ase, na ɔdze n’enyim sumaa Ewuradze, na ɔsee dɛ, mayɛ bɔn wɔ Ewuradze enyim.
27 Na Ewuradze see Aaron dɛ, Kɔ sar no do kehyia Moses, na ɔkɔree na ohyiaa no, wɔ Nyame ne bepɔw no do; wɔ bepɔw no a Nyankopɔn yii noho kyerɛɛ no no; na Aaron feew n’ano.