37 Nkyii na akyerɛwfo no mu binom bae na wɔsee no dɛ, Owura, wɔakyerɛw dɛ, Wɔdze bɔn biara bɛkyɛ, na ɔwo se, Obiara a ɔbɛkasa etsĩa Sunsum Krɔnkrɔn no wɔnnkɛfa akyɛ no. Na wobisaa no, see dɛ, Obesi dɛn na ndzɛmba yinom botum ayɛ?

38 Na ɔsee hɔn dɛ, Na sunsum fĩ sɛ ofi nyimpa mu fir a, okekyin wewew do, hwehwɛ ahomgye na onnya bi; mbom na nyimpa no sɛ ɔkasa tsĩa Sunsum Krɔnkrɔn no a, nkyii ɔkã dɛ, Mebɛsan akɔ me fie a mifii mu bae no mu, na ɔba a obohu no dɛ ɔatɔ pan, ɔaprapra mu na ɔahyehyɛ mu; osiandɛ sunsum pa no egya no ama noho.