JSN, Matthew 6:14. Fa to Matthew 6:13 ho; wɔyɛɛ nsesã a ɔtse dɛm wɔ Luke 11:4 mu.
Ewuradze nngya hɛn nnkɔ nsɔhwɛ mu.
14 Ma mma kwan ma wonngya hɛn nnkɔ nsɔhwɛ mu, mbom gye hɛn fi ɔbɔn mu.
JSN, Matthew 6:22. Fa to Matthew 6:22 ho
Sɛ hɛn enyiwa yɛ kor dze ma Nyame n’enyimyam a, kan bɛhyɛ hɛn nyimpadua mu mã.
22 Nyimpadua ne kandzea nye enyiwa; dɛm ntsi sɛ w’enyiwa yɛ kor ma Nyame n’enyimnyam a, kan bɛhyɛ wo nyimpadua nyina mu mã.
JSN, Matthew 6:25–27. Fa to Matthew 6:25; 10:10 ho
Jesus bɔ N’esuafo no kɔkɔ wɔ hɔn edwuma ne dzen ho mbom Ɔbɔ anohoba dɛ Obesiesie kwan no na Ɔsor Egya bɔhwɛ hɔn.
25 Na, bio, mese hom dɛ, Hom nkɔ wiadze mu, na mma hom nndwen wiadze ho, osiandɛ wiadzefo bɛtan hom, na wɔatseetsee hom, na woeyi hom edzi efi hɔn nhyiamudan mu.
26 Naaso, hom mfir edzi mfi ofi mu nkɔ ofi mu, nkyerɛkyerɛ me man, na mibedzi hom enyim kan.
27 Na hom ɔsor Egya bema hom, adzebiara a hom behia ayɛ edziban, dza hom bedzi; na efuradze, dza hom bɛhyɛ anaa hom bofura no.
JSN, Matthew 6:38. Fa to Matthew 6:33 ho
Ɔwɔ dɛ yedzi kan hwehwɛ kyekyer Nyame n’ahenman no.
38 Dɛm ntsi mma hom nnhwehwɛ wiadze ndzɛmba mbom hom ndzi kan nhwehwɛ nkyekyer Nyame n’ahenman, na wontsim ne tsenenee na wɔdze iyinom nyina bɛka hom ho.