JSN, 1 Corinthfo 7:1–2, 5, 26, 29–33, 38. Fa to 1 Corinthfo 7:1–2, 5, 26, 29–38 ho
Paul kyerɛkyerɛ dɛ awar yɛ apɛdze pa. Naaso, hɔn a wɔafrɛ hɔn dɛ asɛmpasomafo no dze, wɔsom Nyame yie sɛ wɔyɛ dɛ esigyafo wɔ hɔn som ber no mu a.
1 Afei ɔfa dza hom kyerɛwee brɛɛ me no ho no, dze rese dɛ, Oye ma ɔbanyin dɛ ɔmmfa noho nnkã ɔbaa.
2 Naaso, mese, Ama ekwetsir ndwamanyɛ ntsi, ɔbanyin biara nnya nankasa ne yer, na ɔbaa biara nnya nankasa no kun.
5 Mma baako nntwe noho mmfi kor ho, gyedɛ hom ayɛ adwenkor wɔ mber bi ho, ama hom eenya kwan dze homho ama akɔnkye na mpaabɔ; na hom nsan mbehyia mu bio; aama homho a hom nntum nnsie ntsi Satan aannsɔ hom annhwɛ.
26 Na dza mususu dɛ oye nye dɛ sesei ahohia yi ntsi, oye ma ɔbanyin dɛ ɔtsena hɔ dɛmara ama oeetum ɔaayɛ dza oye mbordo.
29 Mbom menye hom a wɔafrɛ hom somdwuma ho no rekasa. Na iyi na mekã, enuanom, mber a aka no yɛ tsia, dɛ wɔbɔsoma hom akɔ ɔsomdwuma no mu. Hɔn a wɔwɔ yernom mpo, bɛyɛ dɛ ma wonnyi bi, osiandɛ ɔafrɛ na ɔasan mu eyi hom dɛ wɔmbɛyɛ Ewuradze n’edwuma.
30 Na ɔbɛyɛ ama hɔn a wosũ, dɛ ma wonnsũ; na hɔn a hɔn enyi agye no, dɛ ma hɔn enyi nngyee; na hɔn a wɔtɔ adze no, dɛ ma wonnyi hwee.
31 Na hɔn a wɔafa wiadze yi ayɛ no, dɛ ma wɔmmfaa nnyɛɛ; na dɛ mbrɛ wiadze ɔtse seiseiara yi rutwa mu akɔ.
32 Mbom mepɛ dɛ, enuanom, dɛ hom botu hom frɛ no mpon. Mebɛpɛ dɛ hom nnya dadwen biara. Na nyia ɔnnwaree no, dwen ndzɛmba a ɔfa Ewuradze ho; mbrɛ ɔbɛyɛ asɔ Ewuradze enyi; dɛm ntsi odzi konyim.
33 Mbom nyia ɔawar no ɔyɛ wiadze ndzɛmba ho dadwen, mbrɛ obesi asɔ ne yer enyi; dɛm ntsi soronko wɔ mu, osiandɛ ɔtwe no ekyir.
38 Dɛm ntsi nyia ɔdze noho ma awar no ɔyɛ no yie; na nyia ɔmmfa noho mma awar no ɔbɛyɛ no yie asen no.