3 Na ɔbaa dɛ, Abram dze n’enyim boom famu, na ɔfrɛɛ Ewuradze ne dzin.

4 Na Nyame nye no kasae, see dɛ, Mo nkorɔfo aman efi m’ahyɛdze ho, na wonndzi m’ayɛdze a medze maa hom egyanom no do;

5 Na wɔnnyɛ mo ngo sera, na nsiei, anaa enuma a medze ahyɛ hɔn no.

6 Mbom wɔadan efi mbrasɛm no ho, na hɔn ara wɔhohor mbofra ho, na wɔyɛ bɔgya ne mpetsee;

7 Na ɔakã dɛ, wokyii ɔtseneneenyi Abel no bɔgyaa dze maa bɔn na wonnyim dza wobu ho nkontaa wɔ m’enyim.

8 Mbom ɔwodze, hwɛ, menye wo bedzi m’ahyɛmu, na ebɛyɛ amanaman pii hɔn egya.

9 Na midzi ahyɛmu yi, ama woehu wo mba wɔ amanaman nyina mu. Nkyii so wɔnnkɛfrɛ wo dzin Abram bio, mbom wɔbɛfrɛ wo dzin Abraham; osiandɛ, amanaman pii hɔn egya na mayɛ wo.

10 Na mebɛma awo mbordo, na mayɛ amanaman efi wo mu, na ahemfo befi wo mu epue, na efi w’asefo mu.

11 Na menye wo betsim twatsiatwa ho ahyɛmu, na ɔbɛyɛ m’ahyɛmu wɔ emi na ɔwo ntamu, nye w’asefo a wodzi wo ekyir, wɔ hɔn mbasantsen mu; ama eehu no afebɔɔ dɛ mbofra nndur nkontaabuber wɔ m’enyim kɛpem dɛ wobedzi mfe awɔtwe.

12 Na ebɔhwɛ esie m’ahyɛmu nyinara a menye w’egyanom dzii no, na ibesie me mbrasɛm no a medze mankasa m’ano ama wo no, na mebɛyɛ Nyankopɔn ama ɔwo na w’asefo a wodzi w’ekyir.

23 Nna Abraham dze n’enyim boom famu na odzii ehurusi, na ɔkãa wɔ n’akoma mu dɛ, ɔrobɔwo ba ama emi a medzi mfe ɔha, na Sarah a oedzi mfe eduokron no bɔwo.

24 Na Abraham see Nyankopɔn dɛ, Ao nkyɛ Ishmael anantsew tsenenee mu wɔ w’enyim!