PJS, Hebreo 7:3 (idilig iti Hebreo 7:3)
(Ti nasantuan a kinasaserdote a maibatay iti urnos ti Anak ti Dios awanan iti ama wenno ina ken uray pay ti nangrugian wenno paggibusan dagiti aldaw.)
3 Ta naordenan daytoy a Melchizedek a saserdote babaen ti urnos ti Anak ti Dios, a dayta nga urnos awanan iti ama, awanan iti ina, awanan iti puon, wenno uray nangrugian dagiti aldaw, wenno paggibusan ti biag. Ket agbalin dagiti amin a naordenan iti daytoy a kinasaserdote a kas iti Anak ti Dios, agtultuloy nga agtalinaed a saserdote.
PJS, Hebreo 7:25–26 (idilig iti Hebreo 7:26–27)
(Nailawlawag ti rebbengen ni Cristo a kas mangibabaet.)
25 Ta ti kasta a nangato a saserdote nagbalin a datayo, a nasantuan, di makadangran, saan a natulawan, naisina kadagiti managbasol, ken naaramid nga agturay iti langit;
26 Ket saan a kas kadagidiay nangato a saserdote nga inaldaw nga agidaton, umuna para kadagiti basolda, sa para kadagiti basol dagiti tao; ta dina kasapulan ti mangipaay iti daton para iti basolna, ta awan ti ammona a basol; ngem ti basbasol dagiti tao. Ket inaramidna daytoy iti naminsan, idi indatonna ti bagina.