Dagiti Napili Manipud iti Patarus ni Joseph Smith iti Biblia

Napili dagiti sumaganad a paset ti patarus ni Joseph Smith iti Bersion ni Ari Santiago iti Biblia (PJS). Gapu ta awan ti masarakan nga orihinal a manuskrito ti Biblia, tinignay ti Apo ni Propeta Joseph Smith a mangisubli iti kinapudno iti teksto ti Biblia a napukaw wenno nabaliwan manipud idi naisurat dagiti sigud a balikas. Lawlawagan daytoy naisubli a pakaammo ti doktrina ken pasayaatenna ti pannakaawat iti nasantuan a kasuratan. Masapul a pasayaaten dagiti napili a binatog iti Pangiwanwan ti panagawatyo kadagiti nasantuan a kasuratan uray no ania a pagsasao ti pakaipatarusanna.

Gapu ta impalgak ti Apo ken ni Joseph dagiti sumagmamano a kinapudno nga insurat idi dagiti sigud a nagsurat, maigidiat ti Patarus ni Joseph Smith iti ania man a patarus ti Biblia iti lubong. Gapu iti daytoy, naaramat ti balikas a patarus iti nalawlawa ken maigidiat a wagas ngem iti gagangay, ta ad-adu ti paltiing iti patarus ni Joseph Smith ngem iti patarus iti tunggal balikas iti sabali a pagsasao. Para iti ad-adu a pakaammo maipanggep iti PJS, kitaen ti “Patarus ni Joseph Smith” (PJS) iti napagsasaganad a listaan dagiti topiko iti Pangiwanwan.

Ipakita ti sumaganad a pagarigan a napili iti manipud iti PJS:

PJS, Mateo 4:1, 5–6, 8–9 (idilig iti Mateo 4:1, 5–6, 8–9; agpada ti nabaliwan iti Lucas 4:2, 5–11)

(Ni Jesus inturong ti Espiritu, saan a ni Satanas.)

1 Kalpasanna inturong ti Espiritu ni Jesus, iti langalang, tapno makitipon iti Dios.

5 Kalpasanna naipan ni Jesus iti nasantuan a siudad, ket impatugaw ti Espiritu iti alimpatok ti templo.

6 Kalpasanna immasideg ti sairo kenkuana ket kinunana, No sika ti Anak ti Dios, tumappuakka manipud ditoy agingga iti baba, ta adda naisurat, Isu ibilinnanto kadagiti anghelna ti maipapan kenka ket sakruyendakanto kadagiti imada amangan la ket ta maitibkol ta sakam iti bato.

8 Ket manen, innala ti Espiritu ni Jesus, ket impanna iti nalaus ti kangatona a bantay, ket impakitana kenkuana amin dagiti pagarian iti lubong ken ti dayagda.

9 Ket immasideg manen kenkuana ti sairo, ket kinunana, Itedkonto amin kenka dagitoy a banag, no agrukbab ken agdayawka kaniak.

Daytoy napatingra a pagibasaran ti binatog ni Joseph Smith iti patarusna iti Biblia. Gapu ta insubli ti patarusna ti pakaammo iti teksto ti Biblia, mabalin a maigidiat ti numero dagiti bersikulo iti ar-aramatenyo nga edision.

Adda iti uneg ti panaklot ti pagibasaran iti Bibliayo a nasken nga idiligyo iti patarus ni Joseph Smith.

Ilawlawag daytoy a palawag no ania a doktrina ti linawlawagan ni Joseph Smith iti patarusna.

Daytoy ti teksto a nangipatarusan ni Joseph Smith.