19 Ta ibaonkonto ti katulongak kadakayo a bulsek; wen, ti mensahero a manglukat kadagiti mata ti bulsek, ken luktanna ti lapayag dagiti tuleng;

20 Ket mapagbalindanto a naan-anay iti laksid ti kinabulsekda, no dumngegdanto iti mensahero, ti katulongan ti Apo.

21 Dakayo ti tao, a makakita iti adu a banag, ngem diyo ida palpaliiwen; luktanyo dagiti lapayagyo a dumngeg, ngem dikayo dumdumngeg.

22 Saan unay a magustuan ti Apo dagiti kasta a tao, ngem gapu iti kinalintegna itakderanna ti paglintegan ket aramidenna a nadayaw.

23 Dakayo ti tao a natakawan ken nadadael; dagiti kabusoryo, isuda amin, binutbutengdakayo, ket inturongdakayo iti pagbaludan; inaramiddakayo a sidaen, ket awan ti naisalakan; ta ti nadadael, ket awan ti nagkuna, Isubli.