ປຈສ, ເອຊາຢາ 42:19–23. ປຽບທຽບໃສ່ກັບ ເອຊາຢາ 42:19–22
ພຣະຜູ້ເປັນເຈົ້າສົ່ງຜູ້ຮັບໃຊ້ຂອງພຣະອົງໄປສອນຄົນທີ່ບໍ່ເລືອກເບິ່ງ ຫລື ຟັງຄວາມຈິງ; ຄົນທີ່ຟັງ ແລະ ເຊື່ອຟັງ ຈະຖືກເຮັດໃຫ້ດີພ້ອມທຸກຢ່າງ.
19 ເພາະເຮົາຈະສົ່ງຜູ້ຮັບໃຊ້ຂອງເຮົາໄປໃຫ້ເຈົ້າຜູ້ຕາບອດ; ແທ້ຈິງແລ້ວ, ຜູ້ສົ່ງຂ່າວ ເພື່ອເປີດຕາຂອງຄົນຕາບອດ, ແລະ ເປີດຫູຂອງຄົນຫູໜວກ;
20 ແລະ ພວກເຂົາຈະຖືກເຮັດໃຫ້ດີພ້ອມທຸກຢ່າງ ເຖິງແມ່ນຕາຂອງພວກເຂົາຈະບອດກໍຕາມ, ຖ້າພວກເຂົາຈະຍອມເຊື່ອຟັງຜູ້ສົ່ງຂ່າວ, ຜູ້ຮັບໃຊ້ຂອງພຣະຜູ້ເປັນເຈົ້າ.
21 ພວກເຈົ້າເປັນຜູ້ຄົນກຸ່ມໜຶ່ງ, ເຫັນຫລາຍສິ່ງ, ແຕ່ພວກເຈົ້າບໍ່ສັງເກດ; ເປີດຫູຟັງ, ແຕ່ພວກເຈົ້າບໍ່ໄດ້ຍິນ.
22 ພຣະຜູ້ເປັນເຈົ້າບໍ່ພໍພຣະໄທຫລາຍກັບຜູ້ຄົນເຊັ່ນນັ້ນ, ແຕ່ເພາະເຫັນແກ່ຄວາມຊອບທຳຂອງພຣະອົງ, ພຣະອົງຈະຂະຫຍາຍກົດ ແລະ ເຮັດໃຫ້ມັນເປັນທີ່ເຄົາລົບ.
23 ພວກເຈົ້າເປັນຜູ້ຄົນກຸ່ມໜຶ່ງທີ່ຖືກຂະໂມຍ ແລະ ຖືກປຸ້ນ; ສັດຕູຂອງພວກເຈົ້າ, ພວກເຂົາທັງໝົດ, ໄດ້ດັກຈັບພວກເຈົ້າໄວ້ໃນຫລຸມ, ແລະ ພວກເຂົາໄດ້ເຊື່ອງພວກເຈົ້າໄວ້ໃນຄຸກ; ພວກເຂົາໄດ້ເອົາພວກເຈົ້າໄປເປັນເຫຍື່ອ; ແລະ ບໍ່ມີໃຜຖືກປົດປ່ອຍ; ເປັນຊັບທີ່ຖືກປຸ້ນ ແລະ ບໍ່ມີໃຜເວົ້າວ່າ, ຈົ່ງນຳມັນຄືນມາ.