3 Apan sa diha nga sila mitan-aw, sila nakakita nga ang bato giligid sa layo, (kay kini dako kaayo,) ug duha ka mga anghel naglingkod diha niini, nagsul-ob sa taas ug puti nga mga saput; ug sila nangahadlok.

4 Apan ang mga anghel miingon ngadto kanila, Ayaw kahadlok; kamo nangita ni Jesus sa Nazaret, kinsa gilansang sa krus; siya nabanhaw; siya wala dinhi; tan-awa ang dapit diin sila mipahimutang kaniya;

5 Ug lakaw sa inyong padulngan, sultihi ang iyang mga tinun-an ug si Pedro, nga siya nag-una kaninyo ngadto sa Galilea; didto kamo makakita kaniya ingon nga siya misulti nganha kaninyo.

6 Ug sila, nga nanulod ngadto sa lubnganan, nakakita sa dapit diin sila mipahimutang ni Jesus.