3 A rau sa rairai mai kea vei iratou ko Iliesa kei Mosese, se ena dua tale na kena vosa, ko Joni na Dauveipapitaiso kei Mosese; ka ratou sa veivosaki vata kei Jisu.

40 Ia, kevaka sa vakacalai iko na ligamu muduka tani; se kevaka sa vakacalai iko na wekamu ka sega ni vakatusa se biuta tani na ivalavala ca, me na muduki tani. Ni sa vinaka cake mo curu ki na bula ka liga dua, ka ca me rua na ligamu ko qai lako ki eli.

41 Ni sa vinaka cake mo lako ki na bula ka sega na wekamu, ka ca mo drau biu vata ki eli kei na wekamu; ki na bukawaqa ka na sega ni boko rawa, na vanua sa sega ni mate rawa na kena baca, ka sega ni boko rawa na kena bukawaqa.

42 Ka dua tale, kevaka sa vakacalai iko na yavamu, muduka tani; ni ko koya na nomu ivakarau, ko koya ko sa lako vata kaya, kevaka sa talaidredre, ena muduki tani.

43 Ni sa vinaka cake vei iko mo curu lokiloki ki na bula, ka me rua na yavamu ka qai biu ki eli; ki na bukawaqa ka na sega ni bokoci rawa.

44 Ia na tamata yadua, me tudei se lutu tani, vakataki koya, ka sega ni baleti koya e dua tale, se sega ni vakanuinui vua e dua tale.

45 Dou masuta na Kalou, ka na vakayacori ena gauna vata ga na veika dou sa kerea, kevaka dou sa kerekere ena vakabauta, ena vakanuinui ni dou na rawata.

46 Kevaka sa dau talaidredre ka vakacalai iko na matamu ko koya sa raica tiko na ka vei iko, ko koya sa lesi me vakaraici iko tiko ka vakaraitaka vei iko na rarama, mo vecuka tani.

47 Sa vinaka cake vei iko mo curu ki na matanitu ni Kalou, ka dua ga na matamu, mai na rua na matamu ka qai biu ki na bukawaqa mai eli.

48 Ni sa vinaka cake mo vakabulai, mai na nomu biu ki eli vata kei na wekamu, na vanua sa sega ni mate rawa na kena baca, ka sega ni boko rawa na kena buka.