24 Ma sa oo ina faapea ona tupu aʼe Iesu faatasi ma ona uso, ma ua faateleina lona malosi, ma sa faatalitali i le Alii i le oo mai o le taimi o lana galuega.

25 Ma sa auauna atu o ia i lalo o lona tamā, ma sa lē tautala o ia e pei o isi tagata, sa lē mafai foi ona aoaoina o ia; aua sa lē manaomia e ia soo se tagata e aoaoina o ia.

26 Ma ina ua mavae tausaga e tele, sa oo mai ai le itulā o lana galuega.

43 Ma o Iesu, ua tali atu, ua fetalai atu ia te ia, Tuu mai nei pea ia te aʼu ina ia papatisoina e oe, aua e faapea ona tatau ia i taua ona faataunuuina le amiotonu uma. Sa ia tuu mai ia te ia.

44 Ma sa alu ifo ai Ioane i totonu o le vai ma papatisoina ai o ia.

45 Ma ina ua papatisoina Iesu, na afio aʼe loa o ia mai le vai; ma sa vaai atu Ioane, ma faauta, na tatalaina le lagi ia te ia, na vaaia e ia le Agaga o le Atua ua afio ifo e pei o se lupe ua oo i luga o Iesu.

46 Ma faauta, na faalogo o ia i le siufofoga mai le lagi, ua faapea mai, O loʼu Atalii pele lenei, o lē ua ou fiafia lava i ai. Ia outou faalogo ia te ia.