FIS, Mataio 6:14 (faatusatusa i le Mataio 6:13; na faia foi ni suiga faapea i le Luka 11:4)
(E lē taitaiina i tatou e le Alii i faaosoosoga.)
14 Ma aua neʼi tuuina atu i matou ina ia taitaiina atu i le faaosoosoga, ae ia laveai i matou ai le leaga.
FIS, Mataio 6:22 (faatusatusa i le Mataio 6:22)
(Afai e taulai tasi o tatou mata i le mamalu o le Atua, e faatumuina ai o tatou tino atoa i le malamalama.)
22 O le malamalama o le tino o le mata; o lea afai e manatu tasi oe i le mamalu o le Atua, e faatumuina ai lou tino atoa i le malamalama.
FIS, Mataio 6:38 (faatusatusa i le Mataio 6:33)
(E tatau ona tatou muai saili e atinae le malo o le Atua.)
38 O le mea lea, aua neʼi saili i mea o lenei lalolagi ae ia outou muai saili e atinae le malo o le Atua, ma faatuina lana amiotonu, ma o nei mea uma e faaopoopoina atu ia te outou.