4 Ao nngke e tia ni botiia mataniwia ibonga ni kabane, ao ni botiia aia taan koroboki aomata, e tuangia, ni kangai, Enga te tabo are e koreaki irouia Burabeti, ike e na bungiaki iai Kristo? Bwa e korakora makuna, ma e aki kakoauaia burabeti.

5 Ao a taku nakoina, E koreaki irouia burabeti, bwa e na riai ni bungiaki i Beterem i Iutea, bwa aio are a tia n taekinna,

6 E roko ana taeka te Uea nakoira, ae kangai, Ao ngkoe Beterem, ae mena n te aba ae Iutea, e na bungiaki inanom te nati ni uea te mwaane, are bon tiaki te kabanea ni mangori i buakoia nati ni uea mwaane i Iutea; bwa e na otinako mai iroum te Mesia, are e na kamaiuia au botanaomata ae Iteraera.

24 Ao e koro bukina bwa Iesu e ikawai rake ma tarina, ao e rikirake ni korakora, ao e tataninga te Uea ibukin rokon tain ana mwakuri.

25 Ao e beku i aan tamana, ao e aki taetae n aroia aomata nako, e aki kona naba n reireiaki; bwa e aki kainnanoia bwa e na reireinaki iroun te aomata.

26 Ao i mwin ririki aika bati, auan ana mwakuri e a kaan roko.

34 Tera bukina ngkai kam aki butimwaea ana kabwarabwara teuare e kanakomaia te Atua? Ngkana kam aki butimaea aio inanomi, kam aki butimwaeai; ao ngkana kam butimwaeai, kam aki butimwaea teuare I kanakomaia bwa e na kaotiota te koaua; ao ibukin ami bure bon akea ninirami.

35 Ngaia are, raira nanomi, ao uoti uanikai aika tau ibukin te rairannano;

36 Ao tai iangoia bwa kam na taekinna inanomi, Ngaira tibun Aberaam, ao ti iai mwaakara ni uoti kanoara nakon tibura Aberaam; bwa I taekinna nakoimi bwa te Atua e kona ni karikirakeia ataei man atibu aikai nakon Aberaam.

38 E koaua ae I bwabetitoi ngkami ma te ran, ngkana kam rairannano; ao n te tai are e roko teuare I kaotioti ibukina, ae e kakannato riki nakoiu, ae I aki tau ni uoti ana kau, (ke ae I aki kona ni kanoa nnena,) n aron are I taekinna, I bwabetitoi ngkami i mwaain rokona, bwa ngkana e roko e na kona ni bwabetitoi ngkami ma te Tamnei ae Raoiroi ao te ai.

39 Ao bon ngaia teuare N na kaotiota koauana, are e na mena i nanon baina ana iriba, ao e na kaitiaka aontanon nanon ana auti, ao ni bobota ana wita nako nanon nnena; ma ni bwaninin oin ana tai e na kabueka kunin te wita ma te ai ae akea tokina.

40 Ngaia are e roko Ioane, ni kabwarabwara ao ni bwabetito i nanon te karaanga are Ioretan; ni kaotiota koauana, bwa teuare e na roko i mwina bon iai mwaakana ni bwabetito ma te Tamnei ae Raoiroi ao te ai.

43 Ao Iesu, ni kaeka, e taku nakoina, Kariaia bwa N na bwabetitoaki iroum, ibukina bwa e riai iroura bwa ti na kakoroa nanon te raoiroi ni kabane. Ngaia e kariaia ngkanne.

44 Ao Ioane e ruo nako nanon te ran ao e bwabetitoia.

45 Ao Iesu ngke e tia ni bwabetitoaki, e aerake n te tai naba arei man te ran; ao Ioane e nooria, ao taraia, a kaukaki karawa nakoina, ao e noora Tamnein te Atua n ruo rikaaki n ai aron te taobe ao n tiku i aon Iesu.

46 Ao taraia, e ongo te bwana mai karawa, ae kangai, Aio Natiu ae tangiraki, are I kakatonga irouna. Ongo irouna.