1 Li maak’a’ xna’leb’ xye sa’ xch’ool, Maajun winq wan, li x’ilok re li Dios. Xb’aan naq a’an moko naxk’ut ta rib’ chiqu, jo’kan naq maak’a’ li Dios. K’ehomaq reetal, po’jenaqeb’ xna’leb’; xe’xb’aanu li tz’eqb’eetal aj k’anjel, ut maajun reheb’ nab’aanunk re li us.

2 Xb’aan naq li Qaawa’ chalen chaq sa’ choxa kirileb’ taq’a li ralal xk’ajoleb’ li winq, ut rik’in xyaab’ xkux kixye re lix moos, Sik’omaq sa’ xyanqeb’ li ralal xk’ajoleb’ li winq, re teeril ma wan ani natawok xyaalal li Dios. Ut kixte xtz’uumal re chiru li Qaawa’, ut kixye, K’e reetal, chixjunileb’ a’in, li neke’yehok re naq aaweheb’.

3 Li Qaawa’ kichaq’ok, ut kixye, Sachenaqeb’ xb’e chixjunileb’, sa’ junajil xe’tz’ajno’, maajun reheb’ naru nakawil chixb’aanunkil li us, relik chi yaal, maajun.

4 Chixjunileb’ li wanqeb’ choq’ xtzoloneleb’, a’aneb’ li neke’k’anjelank re li maa’usilal, ut maak’a’ li nawom rik’ineb’. A’aneb’ a’an li neke’wa’ok re lin tenamit. Neke’xwa’ li wa ut ink’a’ neke’xpatz’ xk’ab’a’ li Qaawa’.

5 Wan xnimaleb’ xxiw, xb’aan naq li Dios nawan sa’ lix tasal tenamiteb’ li tiikeb’ xch’ool. A’an aj k’ehol na’leb’ reheb’ li neb’a’, xb’aan naq neke’xutaanak chirixeb’ laj maak, ut neke’eelelik rik’in li Qaawa’, re xkolb’al rib’eb’.

6 Eb’ a’an neke’xutaanak chirix li na’leb’ k’eeb’il re li neb’a’, xb’aan naq li Qaawa’ a’an lix kolb’al.

7 Chixaqab’amanq taxaq Sion chalen chaq choxa, lix kolb’al laj Israel. At Qaawa’, jo’q’e taaxaqab’ Sion? Naq li Qaawa’ tixk’ameb’ chaq li preex reheb’ lix tenamit, laj Jakob taasaho’q xch’ool, ut sahaq li raam laj Israel.