1 Ang Pagpadayag ni Juan, usa ka sulugoon sa Dios, diin gihatag ngadto kaniya gikan ni Jesukristo, aron ipakita ngadto sa iyang mga sulugoon sa mga butang nga sa dili madugay mahinabo, nga siya mipadala ug mipamatuod pinaagi sa iyang anghel ngadto sa iyang sulugoon nga si Juan,

2 Kinsa mipamatuod sa pulong sa Dios, ug sa pagpamatuod ni Jesukristo, ug sa tanan nga mga butang nga siya nakakita.

3 Bulahan sila kinsa nagbasa, ug sila kinsa naminaw ug nakasabut sa mga pulong niini nga panagna, ug naghupot niadto nga mga butang diin nahisulat dinhi, kay ang panahon sa pag-anhi sa Ginoo nagkaduol na.

4 Karon mao kini ang pagpamatuod ni Juan ngadto sa pito ka mga sulugoon kinsa anaa sa pito ka mga simbahan diha sa Asia. Ang grasya anaa kaninyo, ug kalinaw gikan kaniya kinsa mao, ug kinsa mao kaniadto, ug kinsa mao moabut; kinsa nagpadala ngadto sa iyang anghel gikan sa atubangan sa iyang trono, aron sa pagpamatuod ngadto niadtong kinsa mao ang pito ka mga sulugoon sa pito ka mga simbahan.