1 O le Faaaliga a Ioane, o le auauna a le Atua, lea na tuuina atu ia te ia e Iesu Keriso, e faailoa atu ai i ana auauna mea e ao ona vave oo mai, lea na ia auina mai ma faailoa mai e ala i lana agelu i lana auauna o Ioane,

2 O lē sa molimau atu i le afioga a le Atua, ma le molimau foi ia Iesu Keriso, ma mea uma lava sa ia vaai i ai.

3 Amuia lava i latou o e e faitau, ma latou o e e faalogo ma malamalama ai i upu o lenei valoaga, ma tausia na mea o loo tusia ai, aua ua latalata mai le taimi o le afio mai o le Alii.

4 O le molimau lenei a Ioane i auauna e toafitu o e o loo vaaia ekalesia e fitu i Asia. Ia ia te outou le alofa tunoa, ma le filemu mai lē o i ai, ma lē sa i ai, ma lē e afio mai; o lē na auina mai lana agelu mai luma o lona nofoālii, e molimau atu ia te i latou o e o auauna e toafitu o loo vaaia ekalesia e fitu.