VJS, Roma 4:2–5. Veidutaitaka Roma 4:2–5
Ena vakabulai walega na tamata ena loloma soliwale nei Jisu Karisito, segai ena cakacaka e semati ki na muri ni lawa i Mosese.
2 Kevaka a vakadonui o Eparaama mai na lawa ni cakacaka, ke a vakalagilagi koya ga; ka sega na Kalou.
3 Na cava e kaya na ivolanikalou? E vakabauta na Kalou o Eparaama, ka sa wili kina me ivalavala dodonu.
4 Ia vei koya sa vakadonui ena lawa ni cakacaka, na kena isau, e sega ni loloma soliwale, ia ena dinau.
5 Ia ki vua e sega ni vaqara me vakadonui mai na lawa ni cakacaka, ia e vakabauti koya sa sega ni vakadonui ira e sega ni vakalou, sa wili na nona vakabauta me ivalavala dodonu.
VJS, Roma 4:16. Veidutaitaka Roma 4:16
Na vakabauta kei na cakacaka, e yaga ena veivakabulai, ena vuku ni loloma soli wale.
16 O koya dou sa vakadonui kina ena vakabauta kei na cakacaka, ena vuku ni loloma soli wale, me rawa ni vakadeitaki kina na yalayala vei ira kece na kawa; e sega ni baleti ira walega ena lawa, ia ki vei ira talega era okati ki na vakabauta nei Eparaama; o koya na tamada kecega,