JJS, Romanos 4:2–5. Chi’ilmanq sa’ Romanos 4:2–5
Eb’ li winq ka’ajwi’ naru te’kole’q xb’aan li rusilal li Jesukristo, ink’a’ xb’aaneb’ li k’anjel re xpaab’ankil lix chaq’rab’ laj Moises.
2 Xb’aan naq wi ta tiikob’resinb’il ru laj Abraham xb’aan li chaq’rab’ re k’anjel, naru naxk’ul xloq’al xjunes rib’; a’b’an moko rik’in ta li Dios.
3 Xb’aan naq k’a’ru naxye li loq’laj hu? Laj Abraham kixpaab’ li Dios, ut kik’ehe’ sa’ ajl chirix choq’ tiikilal.
4 Anajwan, choq’ re li ani tiikob’resinb’il ru xb’aan li chaq’rab’ re k’anjel, nak’ehe’ sa’ ajl lix q’ajkamunkil, ink’a’ jo’ usilal, jo’ k’as b’an.
5 A’b’an choq’ re li ani ink’a’ naxsik’ tiikob’resiik ru xb’aan li chaq’rab’ re k’anjel, a’ut naxpaab’ a’an li ink’a’ naxtiikob’resiheb’ ru li moko useb’ ta, lix paab’aal nak’ehe’ sa’ ajl chirix choq’ tiikilal.
JJS, Romanos 4:16. Chi’ilmanq sa’ Romanos 4:16
Li paab’aal jo’ ajwi’ li k’anjel, sa’ xk’ab’a’ li usilal, neke’ajman ru re taa’uxq li kolb’a-ib’.
16 Chi jo’kan tiikob’resinb’il eeru xb’aan li paab’aal ut li k’anjel, sa’ xk’ab’a’ li usilal, re naq xaqab’anb’ilaq xwankil li yeechi’inb’il choq’ re chixjunil li iyajilb’ej; moko ka’aj ta wi’ reheb’ li wankeb’ sa’ li chaq’rab’, reheb’ aj b’an wi’ li wankeb’ sa’ lix paab’aal laj Abraham; a’ li qayuwa’ chiqajunilo,