¶ 1 BEA nae toe hoko mai ae folofola a Jihova kia Jona, ko hono liuga ua, o behe,

2 Tuu hake, bea ke alu ki Ninive, ae kolo lahi koia, bea ke malaga aki i ai ae lea teu fekau kiate koe.

3 Koia ne tuu hake ai a Jona, bea ne alu ki Ninive, o hage koe folofola mai a Jihova. Bea ko Ninive koe fuu kolo lahi aubito ia, o feouga moe fonoga i he aho e tolu.

4 Bea nae kamata hu a Jona ki he kolo i he fonoga oe aho e taha, mo ene kalaga o behe, Oku toe ae aho e fagofulu, bea e fakaauha a Ninive.

5 Koia nae tui ai ae kakai o Ninive ki he Otua, bea fanogonogo ae aukai, mo nau ai ae tauagaa, o fai mei he kakai maoluga o a‘u kiate ia nae jii hifo taha iate kinautolu.

6 He nae omi hono fakaha ki he tu‘i o Ninive, bea ne tuu hake ia mei hono nofoaga, o ne too hono kofu tōtōlōfa mo ne kofu aki eia ae tauagaa, bea nofo kilalo i he efuefu.

7 Bea naa ne fekau ke fanogonogo mo fakaha i Ninive, Kuo fono ae tu‘i mo ene houeiki, o behe, Oua naa kamata ha mea e ha taha be e ha manu, e he tauhi be e ha faga manu: oua naa nau kai be te nau inu ha vai:

8 Kae tuku ke kofu aki ae tauagaa e he tagata, bea moe manu, bea tagi fakamanavahe ki he Otua: io ke tafoki taki taha kotoabe mei hono hala kovaaa, bea mei he fakamalohi oku i ho nau nima.

9 Kohai oku ilo, naa e liliu, bea fakatomala ae Otua mo ne fakatafoki atu ae kakaha o hono houhau, koeuhi ke oua naa tau auha?

¶ 10 Bea nae afio e he Otua ki he e nau gaue, kuo nau tafoki mei ho nau hala kovi: bea nae liliu ae Otua mei he kovi aia naa ne behe te ne fakahoko kiate kinautolu; bea nae ikai te ne fai ia.