¶ 1 KA nae mamahi aubito ai a Jona, bea lahi aubito a ene ita.

2 Bea naa ne lotu kia Jihova, o ne behe. E Jihova oku ou kole kiate koe, ikai naaku behe, e behe be, i he eku kei i hoku fonua? koia ia naaku hola leva ai ki Tasisi; he naaku ilo koe Otua agaofa koe, bea faa aloofa, o tuai ki he houhau, bea agalelei aubito, mo ke faa liliu mei he kovi.

3 Koia koeni, e Jihova oku ou kole kiate koe too a eku moui meiate au, he oku lelei lahi kiate au keu mate i he eku moui.

¶ 4 Bea nae toki folofola a Jihova, Oku lelei koa a hoo ita?

5 Koia nae mahui atu a Jona mei he kolo, bea ne nofo ki he botu fakahahake oe kolo, bea naa ne gaohi i ai ae fale louakau, bea ne nofo ia i lalo i hono malumalu, ko ene tatali kae oua ke ne mamata be koeha e hoko ki he kolo.

6 Bea nae teuteu e Jihova koe Otua, ae akau, mo ne gaohi ia ke tubu hake o fakamalumalu a Jona, koeuhi ke malu ai hono ulu, ke oua naa ne mamahi. Koia nae fiefia aubito a Jona koeuhi koe akau.

7 Ka i he hoko ki he bogibogi oe aho e taha, nae teuteu e he Otua ae kelemutu, bea ne maumau‘i ae akau, bea mae ai ia.

8 Bea nae hoko o behe, i he ene hobo hake ae laa, nae teuteu e he Otua ae matagi vela mei he botu hahake; bea ne vela hifo ae laa ki he ulu o Jona, koia ne bogia ai ia, bea naa ne holi i hono loto ke ne mate, o ne behe, Oku lelei hake eku mate i he eku moui.

9 Bea nae behe e he Otua kia Jona, Oku lelei koa a hoo ita koeuhi koe akau? Bea naa ne behe, Oku ou tonuhia i he eku ita, o a‘u ki he mate.

10 Bea nae toki behe e Jihova, Kuo ke ofa mamahi ki he akau, aia nae ikai te ke gaue ki ai be te ke fakatubu; aia ne tubu hake i he bo he taha, bea mate i he bo e taha:

11 Bea oku ikai totonu koa a eku fakamoui a Ninive, ae kolo lahi koia, aia oku nofo ai ae kakai toko lahi hake i he toko ono mano, oku ikai faa ilo ho nau nima toomatau mei ho nau nima toohema; bea i ai moe faga manu lahi aubito?