Koe Tohi ae Balofita ko Malakai

¶ 1 KOE tala mamafa, koe folofola a Jihova ia Malakai, ki Isileli.

2 Oku behe e Jihova, kuou ofa kiate kimoutolu. Ka oku mou behe, Kuo ke ofa i he ha kiate kimautolu? Ikai koe taokete o Jekobe a Isoa? Oku behe e Jihova: ka naaku ofa kia Jekobe,

3 Bea neu fehia kia Isoa, bea naaku ai ke lala hono gaahi mouga, mo hono tofia koe toafa ki he faga gata.

4 Ka koeuhi oku behe e Itomi, Kuo fakamajiva akimoutolu, ka te mau liliu mai mo laga hake ae gaahi botu oku lala; oku behe e Jihova oe gaahi kau tau, Te nau laga hake, ka teu holoki hifo ia e au; bea te nau ui akinautolu Koe mata fonua oe agahala, bea Koe kakai oku houhau ki ai a Jihova o taegata.

5 Bea e mamata a ho mou mata, bea te mou behe, E fakaogoogolelei a Jihova mei he gataaga o Isileli.

¶ 6 Oku fakaabaaba ae foha ki he ene tamai, moe tamaioeiki ki he ene eiki: bea ka koe tamai au, bea kofaa a hoku ogoogolelei? bea ka koe eiki au kofaaia ae manavahe kiate au? Oku behe e Jihova oe gaahi kau tau kiate kimoutolu, E kau taulaeiki, oku baetaku ki hoku huafa. Bea oku mou behe, Koeha e mau baetaku ki ho huafa?

7 Oku mou feilaulau aki ae ma fakalielia i hoku feilaulauaga; bea oku mou behe, Kuo mau fakalielia‘i koe i he ha? I hoo mou behe, Koe mea vaiga be ae keinagaaga a Jihova.

8 Bea kabau oku mou omi ae kui o feilaulau aki, ikai oku kovi ia? bea kabau oku mou feilaulau aki aia oku ketu mo ia oku mahaki, ikai koe kovi ia? Koeni, atu ia kiate ia oku bule‘i koe; e fiemalie ai ia kiate koe, be te ne ma‘u lelei koe? Oku behe e Jihova oe gaahi kau tau.

9 Bea koeni, oku ou tala kiate kimoutolu, fakakolekole ki he Otua koeuhi ke ne aloofa mai kiate kitautolu: oku mei ho mou nima ae mea ni: bea te ne ma‘u lelei ha mou taha? oku behe e Jihova oe gaahi kau tau.

10 He kohai koa ha taha iate kimoutolu te ne fie tabuni ha mataba taetotogi? bea naa moe tutu ae afi i he fuga feilaulauaga ooku oku ikai fai taeto-togi. Oku ikai teu lelei ia iate kimoutolu, oku behe e Jihova oe gaahi kau tau, bea e ikai teu ma‘u ha feilaulau mei ho mou nima.

11 Koeuhi e lahi a hoku huafa i he lotolotoga oe gaahi Jenitaile, mei he hobo hake ae laa o a‘u ki he ene to hifo; bea e omi ae fakanamu kakala ki hoku huafa mei he botu kotoabe, moe feilaulau maa; koeuhi e ogoogolahi a hoku huafa i he lotolotoga oe hiteni, oku behe e Jihova oe gaahi kau tau.

12 Ka kuo mou fakalielia‘i ia, i hoo mou behe, Oku taemaa ae keinagaaga a Jihova, aia mo hono gaahi fua, bea koe mea fakalielia a hono mea kai.

13 Naa mou behe foki, Vakai, ta koe mea fakafiu! bea kuo mou kuhu ki ai; oku behe e Jihova oe gaahi kau tau; bea naa mou omi aia nae lavea, bea moe ketu, bea moe mahaki; nae behe be a hoo mou omi ae feilaulau: bea e totonu koa a eku ma‘u ia mei ho mou nima? oku behe e Jihova.

¶ 14 Ka e malaia kiate ia oku kākā, aia oku i he ene faga manu ae manu tagata, bea kuo ne fuakava, ka oku ne feilaulau aki ae mea fakalielia kia Jihova: he oku behe mai e Jihova oe gaahi kau tau, Ko au koe Tu‘i lahi, bea oku fakailifia a hoku huafa i he lotolotoga oe hiteni.