Vahe 4
1 Koe fakamāu‘i e he Otua ae kau agahala, 2 mo ene tabuaki ae agalelei. 4 Oku ne eginaki ae faa lau ki he fono, 6 mo ne fakaha ae ha‘u a Ilaija moe aga o ene gaue.
¶ 1 HE vakai, oku ha‘u ae aho e vela o hage koe gotoumu; bea e tatau moe veve akinautolu kotoabe oku fielahi, io, mo kinautolu kotoabe oku fai agahala: bea e vela o oji akinautolu i he aho koia oku ha‘u, oku behe e Jihova oe gaahi kau tau, bea e ikai toe ai ha nau aka be ha vaa.
¶ 2 Ka e hobo hake ae laa oe agatonu moe fakamoui i hono kabakau, kiate kimoutolu oku manavahe ki hoku huafa; bea te mou alu atu, bea tubu o hage koe faga uhiki‘i bulu i he fale fafaga.
3 Bea te mou molomoloki ae kau agahala; he te nau hage koe efuefu a ho mou lalo aofi va‘e, i he aho koia teu fai ai eni, oku behe e Jihova oe gaahi kau tau.
¶ 4 Manatu akimoutolu ki he fono a Mosese ko eku tamaioeiki, aia naaku fekau kiate ia i Holebi ma a Isileli kotoabe, ae gaahi fekau moe gaahi tuutuuni.
¶ 5 Vakai teu fekau a Ilaija koe balofita kiate kimoutolu, i he heeki ai ke hoko ae aho lahi mo fakamanavahe o Jihova:
6 Bea te ne liliu ae loto oe mātua ki he fānau, bea koe loto oe fānau ki he e nau mātua, telia naaku ha‘u ke ta‘i aki a mamani ae malaia.