¶ 1 KOENI, ke ke tanaki fakataha koe i he gaahi matatau, e ofefine oe gaahi matatau: kuo ne fakanofo mai ae tau kiate kitautolu: te nau ta‘i ae fakamāu o Isileli, aki ae mea ta i hono kouahe.

2 Ka ko koe Betelihema Efalata, ne ogo oku ke jii hifo i he gaahi toko afe o Juta, ka e ha‘u ia meiate koe kiate au, aia e bule i Isileli, aia kuo talu mei mua ene haele atu, mei he kamataaga.

3 Koia te ne tukuage akinautolu, kae oua ke hoko ae kuoga e faele aia nae laga: bea e toki foki atu ki he fānau a Isileli ae toe o hono kaiga.

¶ 4 Bea te ne tuu o kai i he malohi o Jihova, i he naunau oe huafa o Jihova ko hono Otua; bea te nau nofo mau: koeuhi e toki hoko ia o lahi, o a‘u ki he gaahi gataaga o mamani.

¶ 5 Bea koe tagata ni e hoko koe melino; oka hoko mai ae Asilia ki ho tau fonua, bea oka ne ka laka ia i ho tau gaahi fale fakaeieiki, te tau fokotuu kiate ia ae kau tauhi sibi e toko fitu, moe kau tagata tuu ki mua e toko valu.

6 Bea te nau maumau aki ae heleta ae fonua o Asilia, bea moe fonua o Nimilote, i hono gaahi huaga: e behe ene fakahaofi kitautolu mei he Asilia, oka ne ka ha‘u ia ki ho tau fonua, bea oka ne ka tuu ia i ho tau gaahi mata fonua.

7 Bea koe toega o Jekobe e i he lotolotoga oe gaahi kakai, hage koe hahau mei a Jihova, hage koe uha i he mohuku, aia oku ikai ke tatali ki he tagata, be tubu koeuhi koe gaahi foha oe tagata.

¶ 8 Bea koe toega o Jekobe e i he lotolotoga oe kau Jenitaile i he haohaoga oe gaahi kakai, o hage ha laione i he lotolotoga oe faga manu oe vao akau, hage ha laione mui i he lotolotoga oe faga sibi; aia, ka ne ka laka atu ia oku ne malaki hifo mo haehae foki, bea e ikai ha taha e fakahaofi.

9 E hiki hake ho nima ki ho gaahi fili, bea e motuhi ho kau fili kotoabe.

10 Oku behe e Jihova, e hoko o behe i he aho koia, teu motuhi hoo faga hose mei ho lotolotoga, bea teu maumau‘i hoo gaahi saliote.

11 Bea teu motuhi ae gaahi kolo o ho fonua mo holoki hifo ho gaahi botu malohi kotoabe.

12 Bea teu motuhi mei ho nima ae kau fie mana loi, bea e ikai te ke kei ma‘u ae kau kikite loi:

13 Bea mo hoo gaahi tamabua kuo togi foki teu motuhi, mo hoo gaahi tamabua tuu mau meiate koe; bea e ikai te ke toe lotu ki he gaue a ho nima.

14 Bea teu taaki mei ho lotolotoga ae gaahi vao tabu: e behe eku fakaauha ho gaahi kolo.

15 Bea teu fai ae tautea i he ita moe lili ki he hiteni, i he aga koia oku heeki ai te nau fanogo ai.