O se Kopi o Ata Faatusa mai le Tusi a Aperaamo
Numera 3
Faamalamalamaga
Ata 1. O Aperaamo o loo nofo i luga o le nofoalii o Farao, i le faaaloalo o le tupu, ma se palealii i lona ao, ua faatusa i le Perisitua, o se faatusa o le Au Peresitene Sili i le Lagi; faatasi ma le tootoo o le faamasinotonu ma le faamasinoga i lona lima.
Ata 2. O le Tupu o Farao, o lona igoa ua tuuina mai i ni tusitusiga o i luga a’e o lona ulu.
Ata 3. Ua faatusa ai Aperaamo i Aikupito e pei ona tuuina mai foi i le Ata 10 o le Kopi o Ata Faatusa Numera 1.
Ata 4. O le Aloalii o Farao, le Tupu o Aikupito, e pei ona tusia i luga a’e o le lima.
Ata 5. O Sulema, o se tasi o tautū taumafataga sili a le tupu, e pei ona faaali mai i tusitusiga i luga a’e o lona lima.
Ata 6. O Olimale, o se pologa a le aloalii.
O Aperaamo o loo faamatala atu mataupu autu e uiga i paneta ma fetu, i le fono a le tupu.