Избори од
Книгата на Мојсеј

1 Зборовите на Бог, кои Тој му ги кажа на Мојсеј во време кога Мојсеј беше занесен на една прекумерно висока планина.

2 И тој го виде Бог лице во лице, и тој разговараше со Него, и славата на Бог беше врз Мојсеј; затоа Мојсеј можеше да го издржи Неговото присуство.

3 И Бог му проговори на Мојсеј, велејќи: Ете, Јас сум Господ Бог Семоќен, и Бескраен е Моето име; зашто Јас сум без почеток на денови и крај на години; и зарем ова не е бескрајно?

4 И, ете, ти си Мој син; затоа погледни, и Јас ќе ти ја покажам изработката од Моите раце; но не сè, зашто Моите дела се без крај, и исто Моите зборови, зашто тие никогаш не престануваат.

5 Затоа, ниту еден човек не може да ги види сите Мои дела, освен ако не ја види сета Моја слава; и ниту еден човек не може да ја види сета Моја слава, и потоа да остане со тело на земјата.

6 И Јас имам работа за тебе, Мојсеј, синко Мој; и ти си во налик на Мојот Единороден; а Мојот Единороден е, и ќе биде Спасителот, зашто Тој е полн со благодат и вистина; но не постои друг Бог освен Мене, и сите нешта се присутни пред Мене, зашто Јас ги знам сите тие.

7 И сега, ете, ова едно нешто Јас ти го покажувам на тебе, Мојсеј, синко Мој, зашто ти си во светот, и сега Јас тоа ти го покажувам.

8 И се случи дека Мојсеј погледна, и го здогледа светот врз кој тој беше создаден; и Мојсеј го здогледа светот и неговите краишта, и сите човечки деца кои постојат, и кои беа создадени; на што тој многу се чудеше и прашуваше.

9 И присуството на Бог се повлече од Мојсеј, така што Неговата слава не беше врз Мојсеј; и Мојсеј беше оставен на самиот себеси. И додека тој беше оставен на самиот себеси, тој падна на земјата.

10 И се случи дека беше за период од многу часови пред Мојсеј повторно да ја добие неговата природна сила како на човек; и тој си кажа на самиот себеси: Еве, за оваа цел знам дека човекот е ништо, што никогаш не бев претпоставил.

11 Но еве моите очи го здогледаа Бог; но не моите природни, туку моите духовни очи, зашто моите природни очи не можеа да го здогледаат; зашто јас ќе овенев и умрев во Негово приуство; но Неговата слава беше врз мене; и јас го здогледав Неговото лице, зашто Јас бев преображен пред Него.

12 И се случи дека кога Мојсеј беше ги кажал овие зборови, ете, Сатаната дојде искушувајќи го него, велејќи: Мојсеј, човечки сине, обожавај ме мене.

13 И се случи дека Мојсеј го погледна Сатаната и кажа: Кој си ти? Зашто ете, Јас сум син на Бог, во налик на Неговиот Единороден; и каде е твојата слава, за да те обожавам тебе?

14 Зашто ете, Јас не можев да го здогледам Бог, освен ако Неговата слава не дојдеше при мене, а јас да бев преображен пред Него. Но тебе можам да те гледам како природниот човек. Не е ли така, сигургно?

15 Нека е благословено името на Бог, зашто Неговиот Дух целосно не се повлекол од мене, инаку каде е твојата слава, зашто тоа е темнина за мене? И јас можам да судам помеѓу тебе и Бог; зашто Бог ми кажа на мене: Обожавај го Бог, зашто само на Него ќе му служиш.

16 Тргни се одовде, Сатано; не ме измамувај; зашто Бог ми кажа на мене: Ти си во налик на Мојот Единороден.

17 И Тој исто ми даде заповеди кога Тој ме повика од огнената грмушка, велејќи: Повикај го Бог, во името на Мојот Единороден, и обожавај ме мене.

18 И повторно Мојсеј кажа: Јас нема да престанам да го повикувам Бог, бидејќи имам други нешта за да го прашам Него: зашто Неговата слава беше врз мене, затоа можам да пресудам помеѓу Него и тебе. Заминувај оттука, Сатано.

19 И еве, кога Мојсеј беше ги кажал овие зборови, Сатаната извика со силен глас, и беснееше по земјата, и заповеда, велејќи: Јас сум Единородениот, обожавај ме.

20 И се случи дека Мојсеј прекумерно се исплаши; и додека тој се плашеше, ја виде горчината на пекол. Сепак, повикувајќи го Бог, тој доби сила, и тој заповеда, велејќи: Заминувај од мене, Сатано, зашто јас ќе го обожавам само овој еден Бог, кој е Бог на слава.

21 И еве Сатаната започна да трепери, и земјата се тресеше; и Мојсеј доби сила, и го повика Бог, велејќи: Во името на Единородениот, заминувај оттука, Сатано.

22 И се случи дека Сатаната извика со силен глас, со плачење, и цимолење, и крцкање на заби; и тој замина оттука, дури и од присуството на Мојсеј, така што не го ни здогледа.

23 И сега за ова нешто Мосјеј сведочеше; но поради пакоста тоа не се задржа помеѓу човечките деца.

24 И се случи кога Сатаната беше заминал од присуството на Мосјеј, дека Мојсеј ги крена очите кон небесата, бидејќи беше исполнет со Светиот Дух, кој сведочи за Отецот и Синот;

25 И повикувајќи го името на Бог, тој повторно ја здогледа Неговата слава, зашто беше врз него; и тој слушна глас, како вели: Благословен си ти, Мојсеј, зашто Јас, Семоќниот, сум те одбрал тебе, и ти ќе бидеш посилен од многу води; зашто тие ќе ја послушаат твојата заповед како да си ти Бог.

26 И гледај, Јас сум со тебе, дури до крајот на твоето време; зашто ти ќе го избавиш Мојот народ од ропство, дури и Израел Мојот одбран.

27 И се случи, додека гласот сè уште говореше, Мојсеј го фрли неговиот поглед и ја здогледа земјата, да, и тоа целата; и не постоеше дел од неа што не го здогледа, спознавајќи го преку Духот на Бог.

28 И исто така ги здогледа нејзините жители, и не постоеше душа што не ја здогледа; и тој ги спозна преку Духот на Бог; и нивниот број беше голем, и тоа безброен како песокот врз морскиот брег.

29 И тој здогледа многу копна; и секое копно беше наречено земја, и имаше жители врз нејзиното лице.

30 И се случи дека Мојсеј ги повика Бог, велејќи: Кажи ми, Јас те молам Тебе, зошто овие нешта се вакви, и од што си ги создал?

31 И ете, славата на Бог беше врз Мојсеј, така што Мојсеј стоеше во присуството на Бог, и зборуваше со Него лице во лице. И Господ Бог му кажа на Мојсеј: За Моја сопствена цел ги создадов овие нешта. Овде има мудрост и таа останува во Мене.

32 И преку словото на Мојата моќ, Јас сум ги создал тие, кои се Мојот Единороден Син, кој е полн со благодат и вистина.

33 И светови без број Јас сум создал; и Јас исто сум ги создал за Моја сопствена цел; и преку Синот Јас сум ги создал, кој е Мојот Единороден.

34 И првиот човек од сите луѓе јас го нареков Адам, а тие се многу.

35 Но само еден извештај од оваа земја, и нејзините жители, Јас ти давам на тебе. Зашто ете, постојат многу светови кои поминале од словото на Мојата моќ. И постојат многу кои сега стојат, и тие се безбројни за човекот; но сите нешта се изброени за Мене, зашто тие се Мои и Јас ги знам.

36 И се случи дека Мојсеј му зборуваше на Господ, велејќи: Биди милостив при Твојот слуга, О Боже, и кажи ми во врска со оваа земја, и нејзините жители, и исто небесата и тогаш Твојот слуга ќе биде среќен.

37 И Господ Бог му говореше на Мојсеј, велејќи: Небесата, тие се многу, и не можат да бидат изброени од човек; но тие ми се изброени на Мене, зашто тие се Мои.

38 И како што една земја ќе помине, и нејзините небеса исто така уште една ќе се појави; и не постои крај на Моите дела, ниту на Моите зборови.

39 Зашто ете, ова е Моето дело и Мојата слава—да се исполни бесмртноста и вечниот живот на човек.

40 И сега, Мојсеј, синко Мој, Јас ќе ти говорам во врска со оваа земја на која што ти стоиш; и ти ќе ги напишеш нештата кои Јас ќе ги кажам.

41 И на ден кога човечките деца ќе ги ценат моите зборови како ништожност и одземат многу од нив од книгата којашто ти ќе ја напишеш, ете, Јас ќе кренам уште еден како тебе; и тие повторно ќе бидат помеѓу човечките деца—помеѓу сите оние кои ќе веруваат.

42 (Овие зборови му беа кажани на Мојсеј на планината, името кое нема да биде познато меѓу човечките деца. И сега тебе ти се кажани. Не ги покажувај на сите, освен на тие што веруваат. Дури и така. Амин.)