Moses

Perel we I Gat Bigfala Praes

Ol Samting we Oli Stap Insaed
Taetol Pej
Fas Toktok
Moses
Ebraham
Josef Smit—Matiu
Josef Smit—Histri
Ol Toktok blong Bilif

Moses

Japta 1
God i soemaot Hemwan long Moses—Moses i jenis i kam niu—Setan i fesem Hem—Moses i luk plante wol we i no gat man long olgeta—Pikinini i bin krietem plante wol we man i no save kaontem namba blong olgeta—Wok mo glori blong God i blong mekem man i nomo save ded mo i kasem laef we i no save finis.
Japta 2
God i krietem ol heven mo wol—Hem i krietem eni kaen laef—God i mekem man mo i mekem hem i rul ova long evri narafala samting.
Japta 3
God i bin krietem evri samting long saed blong spirit bifo oli kam stap long fes blong wol—Hem i bin krietem man, fas bodi blong mit mo bun, long wol—Woman i wan gudfala fren blong givhan long man.
Japta 4
Olsem wanem Setan i bin kam devel—Hem i temtem Iv—Adam mo Iv, tufala i foldaon, mo ded i kam long wol.
Japta 5
Adam mo Iv oli gat pikinini—Adam i mekem sakrifaes mo i wok blong God—Ken mo Ebel i bon long wol—Ken i kros, i lavem Setan moa i bitim God, mo i kam Tudak—Fasin blong kilimded man mo fasin nogud i stap go evri ples—Oli bin prijim gospel stat long stat.
Japta 6
Laen blong Adam i raetem wan buk blong histri—Laen blong hem we i stret mo gud, i stap prijim fasin blong sakem sin—God i soemaot Hemwan long Inok—Inok i prijim gospel—God i soemaot plan blong fasin blong sevem man long Adam—Hem i kasem baptaes mo prishud.
Japta 7
Inok i tijim, i lidim ol pipol, i muvum ol bigfala hil—Inok i stanemap bigtaon blong Saeon—Inok i luk finis we Pikinini blong Man bae i kam, sakrifaes blong Hem blong pem praes, mo taem ol Sent oli laef bakegen long ded—Hem i luk finis Taem we oli Putumbak Gospel, Taem evriwan I Kam Tugeta Wanples, Seken Kaming, mo taem Saeon i kambak.
Japta 8
Metusela i stap talem profesi—Noa mo ol boe blong hem oli stap prijim gospel—Bigfala fasin nogud i stap rul—Ol pipol oli no stap folem singaot ia long fasin blong sakem sin—God i talemaot wetem atoriti se bae Bigfala Wota i prapa spolem gud evri bodi blong mit mo bun.