Kinaakim Bwa Antai Ngkoe—ao Arom are Ko Teimatoa Inanona
E aki maan n nako, natin tarina te aine ae 16 ana ririki Megan ao uoman raraona a roko bwa a na matu. Ngke ti maroro n te tairiki anne, temanna mai ibuakoia e titirakinai bwa tera aekakin te rikirake n te tabo n aroka n taai ake rimoa. … I tuanga Megan ma raraona bwa n “taai akekei,” I a rang ni mamamaa ao e rangin ni kammaraki ao bon akea onimakinau ibon irou.
“Ko kanga n tokanikai man te namakin anne?” E titiraki Megan. I kuri n anga te kaeka ae rangin ni uarereke nakon te titiraki anne ngke I tei, n namakinan ae ataeinnaine aikai a tauraoi ni karekea te kabwarabwara ae mwaiti riki. Ngaia are I tuangiia bwa bukina ngkai e a toki mamaana bon ana mwakuri te tamnei: Bon akea ni karokoa I a moann n ota n aron ana namakin te Uea ibukiu bwa au namakin ibon ibukiu ao maiu e a karaurau ni bitaki. Imwiina a titiraki titiraki aika mwaiti: I kanga n ata aron ana namakin te Uea? Ao a na kanga ni kunea aron Ana namakin ibukiia?
Inanon tabeua te aoa, kabonganakin koroboki aika a tabu, ti maroroakinna bwa e kanga arom n ongeaba ni bwanaan te Tamnei, n taekan ingaingan nanon te Uea ni kaoti atatai ake a kaman kawakinaki inanon tamneira, aron ingaingan te Uea a bon kaotaki inanon tamneira ni kaineti ma antai ngaira ao tera ara mition, ao ibukin te bitaki inanon maiura are e riki ngkana ti ataa te rongorongo anne.
… Akea te bwai ae riai riki ibukin tokanikaira ao kukureira ikai nakon reiakinan te kakauongo nakon bwanaan te Tamnei. Bon te Tamnei are e kaotia nakoira kinaakira—are tiaki ti antai ngaira ma arora are ti teimatoa inanona n tainako. Ao anne are ngkana ti ataia, maiura e a karekea te kantaninga ae kamimi bwa ti aki kona ni manga riki n arora are mai imwaina.
… Tamneira a rang n tangiriiia n uringa te koaua bwa antai ngaira, ibukina bwa te kawai are ti nooriira iai, kinaakira, e rooti bwaai ni kabane ake ti karaoi. … E roota te kawai are ti maiuakinna inanon maiura. Ngaia are, n te bong aei, I kaoiko bwa ko na iangoia n te kawai ae e boou, tiaki tii antai ngkoe ma antai are kona kateimatoa inanom.
… Ko kona n iangoia bwa te Atua, are e kinaira raoi, e katikuira bwa tina roko n te tai aei, ngkana e a rangin ni mwaiti te bwai ae kararaoma ao te kaitara e korakora riki nakon are mai imwaina? Ngkana E na kainnanoia aine ake a na buokia ni kaikawaia ao ni kaira te roro ae rineaki n te otabwanin ae kaonaki n te tamnei.? Ko kona n iangoia bwa E rineira ibukina E ataia bwa ti aki kona ni maaku ni katea Tion?
… Karineaki man korakora. Ninikoria ao n nanomatoa. Kakaonimaki ao n aki mamaaku. Anne are antai ngkoe, ao anne ae koa tia n riki iai n tainako. N ataia bwa te koaua anne e kona ni bita maium, ibukina bwa te ataai aei e anganiko te mweengaraoi are e aki kona ni katotongaki n aro nako.
… Ngkana ko ota raoi iai bwa ko rineaki ao e katukaku ibukin ngkai, ao ngkana ko maiuakina te mition anne, ko na kukurei riki nakon kukureim mai imwaina.
… Te Atua bon Tamara, ao Ana Rikitemanna bon te Kristo. Ti na kimwareirei n tei n ninikoria imatan te Tia Kamaiu ao ni beku ibukina ma te ungannano ao te korakora n Ana tawana. Ao ti na aki maku ni katea Tion ana bwai Atuara—ibukina bwa ti ataia bwa antai ngkaira ao are ti teimatoa inanona.