Man Tii Bwaai Aika a Maiu Man te Iti: Kairake n Ikawai

E Raka Iaon Teuana te Kawai ni Kamatebwaian Koroboki Aika A Tabu

Iroun Marissa Widdison

Ana Maekatiin te Ekaretia

E ngae ngkana ko aki tatangira te wareware, a mwaiti kawai ni kamatebwaian koroboki aika a tabu.

I tangira te wewete ae I weteaki iai ngkai ae te tia biano n te Moanrinan. Tabeua te wiiki n nako a kataneiai ataei i aon teuana te anene. I namakina te Tamnei n tain aia anene:

Ukeuke, iangoia, ao tataro
Bon bwaai aika N na karaoi. 
Te Tamnei e na kairiira, ao, n nano inanora,
I ataia bwa koroboki aika a tabu a koaua.1

Ma teuana te titiraki ae e roko n au iango. Ma teraa ae e na riki ngkana ko aki—n aron are e taekinaki ni moan kibun te anene—“tangiria n warekii koroboki aika tabu”? I taku bwa atuun te reirei ae te wareware e tiku n au iango n te tai aei ibukina bwa e riaon temanna raraou ae e tibwaia bwa a rinanon te korakai n te aki toamau ni wareware. Ao a mwaiti aomata aika I kinaiia ae a bon aki kukurei ni wareware! Tao e na iai te anga ae a na kona ni karekea aia taneiai ae manena ma koroboki aika a tabu ao ni karikirakea “aia koaua bwa a bon koaua”?

Aomata a reiakinaki riki ngkana baike a anganaki a roko n aekaia aika mwaiti, n aron ae a kona n noria ke e taekinaki nakoia, ao e kaokiokaki te reirei n te tai ae mwaiti. N tiku n te iango anne, I kataia ni iangoi aanga aika a kakaokoro ni kamatebwaian koroboki aika a tabu n aron are I konaa. Ma, e ngae ngkae e bon koaua, tiaki ni kabane ake a karinanaki ikai ae a na tauaki bwa taian iango aika a nano ni kamatebwaia koroboki aika a tabu ake a reiakin burabeti bwa a kakawaki nakon ara koaua—tabeua mai ibuakon aikai bon iango ni kabaiti, iango aika kaunga—ma I taku bwa a na bon konaa n anganiko iango aika a boou. Ti a kabanea ara kona n ara kamatebwai ni koroboki aika tabu bwa ti aonga, n aron taekan te anene, “ni bane ni mataata” ni kabane!

Iango ibukin Kamatebwaian Koroboki aika a Tabu

Katebenakoi taeka ake a okioki inanon am kakabwaia n tamanuea ao kakaei taeka akanne inanon koroboki aika a tabu.
Inanon am kamatebwai, korei tamnein baike ko iangoi inanon am tieno ke i rariki te rain n Nakomai, Iriirai te boki n reirei.
Katea rabwatan te karaki man koroboki aika a tabu ni baika a karaoki man te bai.
Tareboniia kain am utu ae raroanako ao uaia ni wareware ma ngaia i aon te tareboon.
Karinani titiraki ake kona tuanga te Atua ao ngkanne kakaea rekeia n am tai ni wareware.
Matakuakina te witeo man BookofMormonVideos.org ke BibleVideos.org.
Kauka te koroboki ae tabu nakon te mwakoro teuana ao moana am wareware.
Anenea te anene ao ngkanne taraa te kibu ni koroboki aika a tabu are e koreaki ni kabanean te anene.
Nakon topic.ChurchofJesusChrist.org ao kamatebwaia te bwai are e anaaki nanom iai.
Mataku rinanon taian korobanna i aonrain ake a kaota taekan te karaki man koroboki aika a tabu are ko kamatebwaia.
Warekii tii atuun taian mwakoron ao tiekition n te boki.
Katanga te katangitang ae e maraara ngkai ko wareware ni kabaibati.
Kakaai kawai ike mwakoro nako ni koroboki aika a tabu a irekereke nakon te tembora.
Ngkana ko kamatebwai i aon koroboki aika a tabu man bwaai aika a maiu man te iti, kataa warekan ake a boretiaki, ke ni kaibibitia.
Karana ke korea tamnein te rongorongo man koroboki aika a tabu ke te karaki.
Iangoia ae aongkoa ko tuangaki bwa ko na taetae i aon teuana te atuu ni iango n te taromauri, ao kamatebwaia.
Imwiin warekan te mwakoro are ko tatangiria man koroboki aika a tabu, manga koreia n oin am taeka.
Ira bwaai aika a na taraaki i nano n am kibu are ko tatangiira, ngkanne nakon te footnotes are ko kairaki nako iai n te kibu anne, nakon footnotes, ao ake imwiina riki.
Ikaruoruo ni wareki kiibu ni kabaibati ma raraom ao marooroakina te bwai are ko warekia.
Kabongana te Topical Guide ni kamatebwaia teuana te taeka ke atuun te reirei.
Tarai ni kabane taian koroboki aika tabu ni bwaai aika a na taraaki ni kabanean taian marooro n te maungatabu ni kabuta.
Katuka teuana te koroboki ae tabu n te tabo are ko na nonoria iai ao kataia kamatenanoa anne n te wiiki aei.
Korei taian kaati nakoia aomata ma taeka aika karaunano inanoia man koroboki aika tabu.
Kabongana te Gospel Library n ongora ni ira warekan koroboki aika a tabu ngkai a warekaki ni kabaibati.
Koreia ni kaota te tai are e wakinaki iai karaoan te bwai are e riki ngkai ko wareka Ana Boki Moomon.
Kakaea “raraom n tibwaan koroboki aika tabu” ao tekiti nakoina ibon imarenamii teuana te kibu ni katoa maningabong.
Moana man te kabanea ni mwakoro n Ana Boki Moomon ao warekia nakon moana.
Warekii koroboki aika a tabu are a kaairaki iai taekinan te koaua, ao ngkanne korea am koaua.
Ngkana ko kakatanga te bwai ni katangitang, kataia korea taekan te anene are e na uota te namakin nakon te kibu anne.
Titirakiniia kaain am utu ke raraom ibukin aia kibu man koroboki aika a tabu ake a tatangirii.
Ngkai ko wareware, korea tamnein te bwai are e kabwarabwaraaki, n aron ana kainikatebwe Nibwaai are e uruaki.
Wareka ao kamatenanoa te kibu are e kabonganaaki n aia reirei mitinare, ae e kuneaki ni mwakoro teniua n Preach My Gospel.
Wareka te boki teuana man te Baibara are ko tuai man wawarekia mai imwaina.
Kakaea rongorongon temanna te aomata ae ninikoria n koroboki aika a tabu ao korea rongorongon maiuna.
Karaoa te kaotioti n teuana te karaki man koroboki aika a tabu bwa mwakoron te bootaki n utu n te tairiki ke ana bootaki teuana ni kakukurei te Ekareita.
Kakaea te kibu n taeka are a taekina taan kairiiri n te Ekaretia ae e na nakoraoi ma te mwakoro nako ake ko a tia ni warekii.
Wareka te bwai ni buoka ibukin kamatebwaian koroboki aika a tabu, n aron Kabwarabwaraan Ana Boki Moomon ke te Bible Dictionary.
Kabanea am tai n tatarai bwain tinakiku ao iangoia bwa teraa ae ko noria ae e irekereke nakon te euangkerio, ngkanne kakaea te kibu i aon te bwai are ko reiakinna.

Iai ae oin am iango? Tibwaia ma raraom!