Vakai Fakafoki ki he Konifelenisi Lahi ʻo ʻOkatopa 2020

Tā fakatātā ʻa Jen Tolman

ʻOku maʻu kotoa e ʻū fika ʻo e pēsí mei he Liahona ʻo Nōvema 2020.

“Moʻui ʻi he ʻaho taki taha ke mou mateuteu ange ke feʻiloaki mo homou Tupuʻangá.”

Palesiteni Russell M. Nelson, Palesiteni ʻo e Siasi ʻo Sīsū Kalaisi ʻo e Kau. Māʻoniʻoni ʻi he Ngaahi ʻAho Kimui Ní, “Ko Ha Meʻa Angamaheni Foʻou,” 118.

“ʻI he siʻisiʻi ange ʻa e talanoa ʻa e māmaní ʻo kau kia Sīsū Kalaisí, tuku muʻa ke lahi ange ʻetau talanoa fekauʻaki mo Iá.”

ʻEletā Neil L. Andersen ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku Mau Lea ʻia Kalaisi,” 90.

Tāpuekina ʻi he lolotonga ‘a e Faingataʻá

Naʻe pehē ʻe ʻEletā Keli E. Sitīvenisoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻoku “ʻofeina lahi [ʻa e Kau Māʻoniʻoni ʻi he Ngaahi ʻAho Kimui Ní] ʻe he ʻEikí lolotonga ʻa e ngaahi taimi faingataʻa kuo tau fehangahangai mo ia ʻi he ngaahi māhina kuohilí.” Naʻá ne ʻomai ha sīpinga ʻe tolu ʻo e ngaahi tāpuaki ʻokú ne fakaivia kitautolu “ʻo malava ai ke tau kātakiʻi ʻa e ngaahi pole kuo hokó”:

• Siasi ʻoku fakatefito ʻi ʻapi.

• Ngāue fakaetauhi ʻi ha founga foʻou mo māʻoniʻoni ange.

• Maʻu e fiefia lahi ʻi he fakafoki ʻo e ngaahi ouau fakatemipalé.

Vakai, “ʻOfeina Lahi ʻe he ʻEikí,” 103–5; vakai foki Dieter F. Uchtdorf, “ʻE Fakahoko ʻe he ʻOtuá ha Meʻa ʻOku ʻIkai Mafakakaukaua,” 51–54.

Ngaahi Temipale Foʻou ʻe 6 ne Fanongonongó

Hangē ko hono fanongonongo ʻe Palesiteni Lāsolo M. Nalesoni ʻi he konifelenisi ʻo ʻOkatopa 2020, ʻoku palani ha ngaahi temipale ki he ngaahi feituʻu ko ʻení:

• Talauā, Kilipati

• Pooti Vila, Vanuatu

• Linitoni, ʻIutā, USA.

• Kuleita Kuatemala Siti, Kuatemala

• Sao Paulo ʻĪsite, Palāsila

• Sanitā Kulusi, Polīvia

Tā fakatātā ʻa Jen Tolman

Fakaikiiki mei he Christ Appearing to the Twelve Apostles After the Resurrection, tā fakatātaaʻi ʻe Scott Snow